બોલીવૂડના ખિલાડી સ્ટાર અક્ષય કુમાર હવે ધીમે ધીમે બોલીવૂડમાં પોતાનો સંપૂર્ણપણે પગપેસારો કરતાં જાય છે, હાલમાં જ અક્ષય કુમારની આવેલી ફિલ્મ ગુડ ન્યુઝ બોક્સ ઓફિસ હીટ રહી હતી. અક્ષય સતત હીટ ફિલ્મો આપી રહ્યાં છે. અને અક્ષયની બોલીવૂડમાં હાલ બોલબાલા ચાલી રહી છે.
અક્ષય એક ફિલ્મ માટે 120 કરોડ રૂપિયા વસૂલશે
અક્ષય બોલીવૂડના સૌથી મોંઘા સ્ટાર બની ચૂકયા છે
ફિલ્મ વર્ષના અંતે રીલીઝ થશે
બોલીવૂડના ખિલાડી સ્ટાર અક્ષય કુમાર માટે 2019નું વર્ષ ખુબ જ સારું રહ્યું છે. અક્ષયે 2019માં તમામ હીટ ફિલ્મો આપી છે. આ ઉપરાંત અક્ષય કુમારનું નામ સૌથી વધારે કમાણી કરનારા સેલીબ્રીટી લીસ્ટમાં પણ આવી ગયું છે. હવે અક્ષય કુમારનું નામ સૌથી વધુ ફીઝ લેનારા એકટરોના લિસ્ટમાં મોખરે આવ્યું છે. અક્ષય કુમારે પોતાની આવનારી ફિલ્મ માટે 120કરોડ રૂપિયાની ડીલ સાઈન કરી છે.
બોલીવૂડ હંગામાના એક રીપોર્ટ અનુસાર, અક્ષય કુમાર પોતાની આવનારી ફિલ્મ આનંદ. એલ. રાઈ સાથે કરી રહ્યાં છે. આ ફિલ્મ માટે તેમણે 120 કરોડ રૂપિયા જેવી તગડી રકમ લીધી છે.
આ દિવસોમાં અક્ષય કુમાર સતત હિટ ફિલ્મો આપી રહ્યાં છે. અને બોક્સ ઓફિસ પર તગડું કલેક્શન કરી રહી છે. હવે માત્ર અક્ષય કુમારના નામથી જ ફિલ્મો પસંદ થઈ રહી છે. અને જેની અસર ડીજિટલ પ્લેટફોર્મ અને સેટેલાઈટ રાઈટ્સ પર પડી રહી છે. તેવામાં અક્ષય કુમારની ફીસ વધતી જાય છે.
સુત્રો અનુસાર જાણવા મળ્યું છે કે આ ડીલ કન્ફર્મ થઈ ગઈ છે અને આ ડીલ સાથે જ અક્ષય કુમાર બોલીવૂડના સૌથી મોટા સ્ટાર બની ગયા છે. આ ફિલ્મ માટે તેમણે 120 કરોડ જેવી તગડી રકમ વસુલી છે. જાણકારી અનુસાર આ ફિલ્મમાં સારા અલી ખાન અને સાઉથ સુપરસ્ટાર ધનુષ પણ જોવા મળશે.
ફિલ્મની હજુ સુધી કોઈ ચોક્કસ જાણકારી આપવામાં નથી આવી પરંતુ વર્ષના અંતમાં આ ફિલ્મ રીલીઝ થઈ શકે છે.