બૉક્સ ઑફિસ પર જ્યાં અક્ષયની પહેલાની ઘણી ફિલ્મો કોઈ ખાસ પ્રદર્શન કરી શકી નથી. તો બોલીવુડના ખેલાડીએ પોતાની આગામી ફિલ્મના બોલ્ડ મુદ્દાનો ખુલાસો કર્યો છે.
અક્ષય કુમારે પોતાની આગામી ફિલ્મના બોલ્ડ મુદ્દાનો ખુલાસો કર્યો
આ ફિલ્મ એપ્રિલ અથવા મે 2023માં રીલીઝ કરાશે
સેક્સ એજ્યુકેશન એક મહત્વનો મુદ્દો: અક્ષય કુમાર
સેક્સ એજ્યુકેશન હશે મુદ્દો
અક્ષય કુમારની ફેન ફૉલોઈંગ ઘણી સારી છે. વારંવાર અક્ષય પોતાની ફિલ્મો દ્વારા એક સોશિયલ મેસેજ આપવાનો પ્રયાસ કરે છે. જો કે, અક્ષય કુમારની પહેલાની ઘણી ફિલ્મો થિયેટરમાં કોઈ ખાસ પ્રદર્શન કરી શકી નથી. તેમ છતાં ખેલાડીએ હાર ના માનીને પોતાના પ્રયાસ ચાલુ રાખ્યા છે. રેડ સી ફિલ્મ ફેસ્ટિવલમાં અક્ષયે વાતચીત દરમ્યાન જણાવ્યું કે તેમની આગામી ફિલ્મ સેક્સ એજ્યુકેશન પર હશે. આ ફિલ્મને એપ્રિલ અથવા મે 2023માં રીલીઝ કરવામાં આવશે. આ સાથે અક્ષય કુમારે કહ્યું કે સેક્સ એજ્યુકેશન એક મહત્વનો મુદ્દો છે અને ઘણા સ્થળે આ પ્રકારના વિષય પર વાત કરતા પણ લોકો અચકાય છે.
ફિલ્મ ફેસ્ટિવલ પર કર્યો ખુલાસો
અક્ષય કુમારે પોતાની આગામી ફિલ્મ અંગે જણાવતા એવુ પણ કહ્યું કે તેઓ દુનિયાના બધા સ્કૂલોમાં સેક્સ એજ્યુકેશન જેવા વિષયને ભણાવવાની આશા કરે છે, કારણકે આ જરૂરી છે. સાઉદી અરેબિયામાં રેડ સી આંતરરાષ્ટ્રીય ફિલ્મ ફેસ્ટિવલમાં અક્ષય કુમારે પોતાની ફિલ્મ બેલ બોટમ અંગે પણ વાત કરી. ફિલ્મ ફેસ્ટિવલ પર રહેલા એક પાકિસ્તાનીએ સવાલ કર્યો કે અક્ષયની ફિલ્મ બેલ બૉટમમાં અમુક એવા સીન્સ હતા. જે પાકિસ્તાન વિરુદ્ધ હતા.