અક્ષય કુમારની ફિલ્મ 'Oh My God 2'ના પોસ્ટર રિલીઝ થઈ ગયા છે. પોસ્ટરમાં અક્ષય કુમાર શિવ ભગવાનના અવતારમાં જોવા મળી રહ્યો છે.
Oh My God 2ના પોસ્ટર થયા રિલીઝ
અક્ષય કુમાર ભજવી રહ્યા છે શિવ ભગવાનનું પત્ર
ઉજ્જૈનના રામઘાટમાં શરૂ થઈ ગયું છે ફિલ્મનું શૂટિંગ
'Oh My God 2' ફિલ્મનું શૂટિંગ પણ આજથી શરૂ થઈ ગયું છે. છેલ્લી વખત અક્ષય કુમાર 'Oh My God 2' માં શ્રી કૃષ્ણ ભગવાનના રોલમાં જોવા મળ્યો હતો.
અક્ષય કુમાર સાથે યામી ગૌતમ અને પંકજ ત્રિપાઠી પણ છે ફિલ્મમાં
આ ફિલ્મમાં અક્ષય કુમારની સાથે યામી ગૌતમ અને પંકજ ત્રિપાઠી પણ મહત્વના ભૂમિકા ભજવી રહ્યા છે. ફિલ્મનું ડિરેક્શન અમિત રાય કરી રહ્યા છે.
અક્ષય કુમારે ફિલ્મનું પોસ્ટર કર્યું છે શેર
અક્ષય કુમારે ફિલ્મનું પોસ્ટર શેર કરતા લખ્યું-
'કરતાં કરે ના કાર સકે શિવ કરે સો હોય'
'Oh My God 2' માટે અમને તમારા બધાના આશીર્વાદ અને શુભેચ્છાઓની જરૂર છે. એક મહત્વપૂર્ણ સામાજિક મુદ્દા પર ચર્ચા કરવાનો અમારો નિષ્ઠાવાન અને નમ્ર પ્રયાસ છે. આદિયોગીની શાશ્વત ઉર્જા આપણને આ યાત્રાના માધ્યમથી આશીર્વાદ આપે. હર હર મહાદેવ.
ઉજ્જૈનના રામઘાટમાં શરૂ થઈ ગયું છે ફિલ્મનું શૂટિંગ
ફિલ્મનું શૂટિંગ ઉજ્જૈનના રામઘાટમાં શરૂ થઈ ગયું છે. આ ફિલ્મનું શૂટિંગ ઉજ્જૈનના મહાકાલેશ્વર મંદિર પરિસરમાં કરવામાં આવશે, જો કે તેના કારણે ભક્તોની દર્શન વ્યવસ્થા પર કોઈ અસર થશે નહીં. ભક્તો અને ફિલ્મના યુનિટને કોઈ મુશ્કેલી ન પડે તે માટે ત્યાં પોલીસ ફોર્સ પણ તૈનાત કરવામાં આવી છે.