બોલીવુડ અભિનેતા અક્ષય કુમારની પાસે અત્યારે ઘણા રસપ્રદ પ્રોજેક્ટ પાઈપલાઈનમાં છે. રામ સેતુ પણ એવી ફિલ્મોમાંથી એક છે. જેની અક્ષય કુમારના પ્રશંસકો રાહ જોઈ રહ્યાં છે. તાજેતરમાં અક્ષય લંડનમાં રકુલ પ્રીત સિંહની સાથે પોતાની એક શીર્ષક વગરની ફિલ્મનું શુટિંગ કરી રહ્યાં છે.
અક્ષય કુમાર 'રામ સેતુ'નું શૂટિંગ ગુજરાતમાં કરશે
આ ફિલ્મમાં નુસરત ભરૂચા અને જેકલિન ફર્નાન્ડીઝ પણ સામેલ
'રામ સેતુ'ને અભિષેક શર્મા કરી રહ્યાં છે ડાયરેક્ટ
અક્ષય કુમાર અપકમિંગ ફિલ્મ 'રામ સેતુ'નુ શૂટિંગ પૂર્ણ કરશે
અક્ષય કુમાર ટૂંક સમયમાં ભારત પાછા આવશે અને પોતાની અપકમિંગ ફિલ્મ 'રામ સેતુ'નું શુંટિંગ પૂર્ણ કરશે. મીડિયા અહેવાલો મુજબ, અક્ષય ઓક્ટોબરમાં ફિલ્મ રામ સેતુનુ શુટિંગ પાછુ શરૂ કરશે અને ચાલુ વર્ષે ડિસેમ્બરના અંતમાં પૂર્ણ કરશે. અક્ષયે માર્ચમાં અયોધ્યામાં આ ફિલ્મનું મૂહૂર્ત કર્યુ હતું. ત્યારબાદ મુંબઈમાં તેમણે ફિલ્મનું લાંબુ શેડ્યુલ શૂટ કરવાનુ હતુ, પરંતુ લોકડાઉનના કારણે શૂટિંગને ટાળી દેવામાં આવ્યું હતુ. રિપોર્ટ મુજબ, ફિલ્મના થોડા ભાગનું શૂટિંગ શ્રીલંકામાં થવાનુ હતુ, પરંતુ ફિલ્મના નિર્માતાએ આ યોજનાને બદલી નાખી.
ત્યારબાદ ફિલ્મ રામ સેતુની શૂટિંગ કેરળમાં કરવાનો નિર્ણય લીધો હતો. પરંતુ કેરળ કોરોનાનું હોટસ્પોટ બનતા ફિલ્મના નિર્માતાઓએ હવે ફિલ્મના બાકીના ભાગનુ ગુજરાતમાં શૂટિંગ કરવાનો નિર્ણય કર્યો છે. ફિલ્મમાં અક્ષય કુમાર સિવાય નુસરત ભરૂચા અને જેકલીન ફર્નાન્ડીઝ પણ છે. રામ સેતુને અભિષેક શર્મા ડાયરેક્ટ કરી રહ્યાં છે. આમ, રામ સેતુ સિવાય અક્ષય કુમારના ભાગમાં ઘણી ફિલ્મો છે. પૃથ્વીરાજ, રક્ષાબંધન અને અતરંગીનું શૂટિંગ પહેલાં કરી લીધુ છે. આ ઉપરાંત તેમની પાસે બચ્ચન પાંડે અને સૂર્યવંશી જેવી ફિલ્મો પણ છે.