બોલિવુડનો 'ખિલાડી' કુમાર અક્ષય એવા એક્ટર્સમાં શામેલ છે જે વર્ષમાં 4-5 ફિલ્મ કરે છે. બિઝા શેડ્યૂલની વચ્ચે પણ અક્ષય પરિવારની સાથે સમય વીતાવતો ઘણી વખત જોવા મળ્યો છે.
અક્ષય કુમારે પોતાના ઑફિશ્યલ સોશ્યલ મીડિયા પર એક વીડિયો શૅર કર્યો છે જેને જોઇને ફેન્સ તેના વખાણ કર્યા છે. અક્ષય આ વીડિયોમાં લંડનના રસ્તાઓ પર તેની માતા સાથે ફરી રહ્યો છે. અક્ષયની માતા વ્હીલચેર પર બેઠેલા છે. અક્ષય તેની માતા સાથે ફરતો જોવા મળી રહ્યો છે અને તેમની દેખરેખ કરી રહ્યો છે. અક્ષય કુમાર આ દરમિયાન એકદમ કેઝ્યૂઅલ લૂકમાં જોવા મળી રહ્યો છે, તેણે ટી-શર્ટ અને ટ્રેક પેન્ટ્સ પહેર્યુ છે.
અક્ષયે આ વીડિયો શૅર કરતા કેપ્શન લખ્યુ કે, ''શૂટિંગમાંથી સમય નીકાળીને થોડા દિવસ લંડનમાં માતાની સાથે, એ મહત્વનુ નથી કે તમે કેટલા વ્યસ્ત છો. ભૂલી ના જાઓ તેમની ઉંમર થઇ ગઇ છે માટે તેમને સમય આપો.'' અક્ષયનો આ વીડિયો સોશ્યલ મીડિયા પર વાયરલ થતા જ યૂઝર્સ વખાણ કરી રહ્યા છે. આ પોસ્ટ પર યૂઝરે કમેન્ટ કરી કે, 'મને તમારા પર ગર્વ છે.', તો બીજા એક યૂઝરે લખ્યુ કે, 'લવ યૂ સર'
જે રીતે અક્ષયના પેરેન્ટ્સને તેના પર ધ્યાન આપ્યુ તેવી જ રીતે અક્ષય પણ પોતાના બાળકોનું ધ્યાન રાખે છે તેમની તમામ નાની-મોટી બાબતો પર ધ્યાન રાખે છે. તમને જણાવી દઇએ કે, અક્ષય કુમારે બોલિવુડમાં એન્ટ્રી કરી તે પહેલા શેફ હતો. અક્ષય ખૂબ જ સારું ખાવાનું બનાવી લેતો પરંતુ હવે તેણે કોમ્પિટિશન આપવા માટે તેનો દિકરો આરવ છે. તાજેતરમાં જ ટ્વિંકલ ખન્નાએ એક ફોટો શૅર કર્યો હતો જેમાં આરવે ડિનર બનાવ્યુ હતુ.
તો બીજી તરફ અક્ષય કુમાર દુનિયામાં સૌથી વધારે કમાણી કરનારા એક્ટર્સની Forbes ની યાદીમાં ચોથા સ્થાન પર છે. ગત વર્ષે સલમાન ખાન દુનિયામાં સૌથી વધારે કમાણી કરનારા એક્ટર્સની લિસ્ટના ટૉપ 10માં હતો, પરંતુ આ વર્ષે સલમાન આ લિસ્ટમાં નથી.
ઉલ્લેખનીય છે કે, અક્ષય કુમાર સ્ટારર ફિલ્મ 'મિશન મંગલ' એ શાનદાર કમાણી કરી લીધી છે. 'મિશન મંગલ' 168 કરોડની કમાણી સાથે અક્ષય કુમારની 150 કરોડમાં ક્લબમાં આટલી ઝડપથી પહોંચનારી આ પહેલી ફિલ્મ છે.