સુપરસ્ટાર અક્ષય કુમારની ફિલ્મ સમ્રાટ પૃથ્વીરાજે પહેલા દિવસે બોક્સ ઓફિસ પર સારૂ પ્રદર્શન કર્યું છે. ફિલ્મને સારી સંખ્યામાં દર્શકો મળ્યા અને દર્શકો દ્વારા તેની પ્રશંસા કરવામાં આવી.
અક્ષય કુમારની ફિલ્મ સમ્રાટ પૃથ્વીરાજ 3 જૂને થઈ રિલીઝ
હિન્દીમાં 3550 સ્ક્રીન્સ પર રિલીઝ થઈ ફિલ્મ
ફિલ્મને સારી સંખ્યામાં દર્શક મળ્યા
સુપરસ્ટાર અક્ષય કુમારની મોસ્ટ અવેઈટેડ ફિલ્મ સમ્રાટ પૃથ્વીરાજ 3 જૂને રિલીઝ થઈ છે. સમ્રાટ પૃથ્વીરાજને હિન્દીમાં 3550 સ્ક્રીન્સ અને તમિલ અને તેલુગુમાં 200 સ્ક્રીન્સમાં રિલીઝ કરવામાં આવી છે.
એડવાન્સ બુકિંગમાં જ ફિલ્મે કરી આટલી કમાણી
એડવાન્સ બુકિંગથી ફિલ્મે લગભગ 3.43 કરોડ રૂપિયાની કમાણી કરી હતી. ફિલ્મે પહેલા દિવસે બોક્સ ઓફિસ પર સારૂ પ્રદર્શન કર્યું છે. ફિલ્મને સારી સંખ્યામાં દર્શકો મળ્યા અને સમીક્ષકો દ્વારા તેની પ્રશંસા કરવામાં આવી.
#SamratPrithviraj gathered momentum towards evening on Day 1... Biz at metros - which started slow - did not escalate, but mass circuits showed upward trends... Biz should grow on Day 2 and 3, needs that push for a strong weekend total... Fri ₹ 10.70 cr. #India biz. pic.twitter.com/fOi7NKA1Nd
પહેલા દિવસે સમ્રાટ પૃથ્વીરાજે કરી આટલા કરોડની કમાણી
તરણ આદર્શ અનુસાર ચંદ્રપ્રકાશ દ્વિવેદી દ્વારા નિર્દેશિત સમ્રાટ પૃથ્વીરાજે પ્રથમ દિવસે 10.70 કરોડ રૂપિયાની કમાણી કરી છે. જોકે એવી અપેક્ષા હતી કે અક્ષય કુમારની ફિલ્મ 15 કરોડની ઓપનિંગ આપશે. જો કે 10.70 કરોડની કમાણી પણ ખરાબ કહી શકાય નહીં. જો બધુ બરાબર રહ્યું તો શનિવાર અને રવિવારે ફિલ્મની કમાણી સારી રહી શકે છે.
મેગા બજેટના કારણે ચર્ચામાં ફિલ્મ
ચંદ્રપ્રકાશ દ્વિવેદી દ્વારા નિર્દેશિત ફિલ્મ 'સમ્રાટ પૃથ્વીરાજ' તેના મેગા બજેટના કારણે ચર્ચામાં છે, જે ગઈકાલે સિનેમાઘરોમાં રિલીઝ થઈ છે. આ ફિલ્મમાં અક્ષય કુમારની સાથે માનુષી છિલ્લર જોવા મળશે. આ ફિલ્મનું કુલ બજેટ 300 કરોડ છે.
ફિલ્મની રિલીઝ પહેલા ઉત્તરાખંડના મુખ્યમંત્રી પુષ્કર સિંહ ધામીએ ગુરુવારે ઉત્તરાખંડમાં તેને ટેક્સ ફ્રી કરવાની જાહેરાત કરી હતી. અગાઉ તેને ઉત્તર પ્રદેશ અને મધ્ય પ્રદેશમાં કરમુક્ત જાહેર કરવામાં આવી છે.
સમ્રાટ પૃથ્વીરાજની ટક્કર આ ફિલ્મો સાથે
અક્ષયની સમ્રાટ પૃથ્વીરાજની ટક્કર કમલ હાસનની વિક્રમ અને આદિવી શેષની ફિલ્મ મેજર સાથે થઈ હતી. ઘણા સમયથી વિક્રમની ચર્ચાઓ સાંભળવા મળી રહી હતી. ફેન્સ વિક્રમના જોરદાર વખાણ કરી રહ્યા છે. ત્યાંજ આ ફિલ્મને કાર્તિક આર્યનની ભૂલ ભૂલૈયા 2 નો પણ સામનો કરવો પડ્યો હતો.