બોલિવુડ સુપરસ્ટાર અક્ષય કુમાર સોશ્યલ મીડિયા પર એક્ટિવ રહે છે. એટલુ જ નહી ઘણી વખત સોશ્યલ મીડિયાની મદદથી ઘણી વખત મેસેજ અને પોસ્ટ શૅર કરે છે જે ભાવુક કરી દેતા હોય છે.
તાજેતરમાં જ અક્ષય કુમારે કારગિલ વિજય દિવસ પર ભારતીય સેનાને જવાનોનો સેલ્યૂટ કરતો એક વીડિયો પોસ્ટ કર્યો છે.
Came across this heart-warming video which made my day. When your small tribute reaches the people it’s meant for...what more can you ask for? A million salutes to our #BharatKeVeer 🙏🏻 pic.twitter.com/MerfaGlsQk
આ વીડિયોમાં સૈનિકો એક્ટર અક્ષયની ફિલ્મ ‘કેસરી’નું ગીત ‘તેરી મિટ્ટી...’ ગીત ગાતા જોવા મળે છે. અક્ષયે લખ્યું હતું, ''આ વીડિયોએ મારો દિવસ બનાવી દીધો. જ્યારે તમારું નાનકડું યોગદાન લોકો સુધી પહોંચે છે. આ સિવાય વધું શું જોઈએ. આપણાં ભારતના વીરોને લાખો સલામ...''
અક્ષય કુમારે પોતાના સોશ્યલ મીડિયા પર શૅર કરેલા આ વીડિયોને અત્યાર સુધી લાખો લોકો જોઈ ચૂક્યા છે અને લોકો વીડિયોના વખાણ પણ કરી રહ્યા છે.
ઉલ્લેખનીય છે કે, વીડિયોમાં આ સોંગ અક્ષયની છેલ્લી ફિલ્મ 'કેસરી'નું છે, જે સારાગઢીના યુદ્ઘ પર હતી. જેમાં અક્ષય કુમારે હવાલદાર ઈશર સિંહનો રોલ કર્યો હતો. અક્ષય કુમારની આગામી ફિલ્મ ‘મિશન મંગલ’ છે, જે ભારતના માર્સ ઓર્બિટર મિશનની સફળતાની વાત કહેશે. આ ફિલ્મ 15 ઓગસ્ટના રોજ રિલીઝ થશે.