બોલિવુડના સ્ટાર્સની ફેન ફૉલોઇંગ સતત વધતી રહે છે, પરંતુ ઘણી વખત સ્ટાર્સ માટે એવો મૌકો આવે છે. જ્યારે સ્ટાર્સ પોતે ફ્રેઝી ફેનને જોઇને ચોંકી જતા હોય છે. આવો જ એક ક્રેઝી ફેન મુંબઇમાં અક્ષય કુમારને મળવા માટે પહોંચ્યો.
વાસ્તવમાં આ ક્રેઝી ફેન એટલે દ્વારકાનો પરબત માડમ નામનો 20 વર્ષીય યુવાન, પરંતુ તે કેમ અક્ષય કુમારનો ખાસ ફેન છે તે વાતની અક્ષય કુમારે પોતે શૅર કરી.
અક્ષય કુમારે પોતાના ઑફિશ્યલ સોશ્યલ મીડિયા પર એક વીડિયો અને ફોટો શૅર કર્યો છે. આ વીડિયોમાં અક્ષય પરબત સાથે વાતચીત કરી રહ્યો છે. વાસ્તવમાં અક્ષયને મળવા માટે પરબત 900 કિમી ચાલીને 18 દિવસમાં મુંબઇ પહોંચ્યો હતો. આ વીડિયોમાં પરબતે જણાવ્યુ તે દરરોજ 50 કિમી ચાલતો હતો. તે ચાલતા મુંબઇ એટલા માટે આવ્યો કારણ કે તે અક્ષયનો ફેન છે અને ફિટ છે.
Met Parbat today, he walked over 900 kms all the way from Dwarka. He planned it in a way to reach Mumbai in 18 days to catch me here on a Sunday. If our youth use this kind of planning and determination to achieve their goals, then there’s no stopping us! #SundayMotivationpic.twitter.com/kJdyNxwwpa
અક્ષય કુમારે જ્યારે તેણે પૂછ્યુ કે, ''તે કઇ રીતે ખબર પડી કે હું તને સન્ડે મળીશ?'' તો પરબતે જણાવ્યુ કે, ''સર તમારો ફેન છું. મને બધું જ ખબર છે. સન્ડે તમે મળશો એટલે શનિવારે રાતે પણ ચાલતો રહ્યો. વરસાદમાં પલળ્યો પરંતુ તમને મળવાનું હતુ.'' આ સિવાય જ્યારે અક્ષયે આ જબરા ફેનને પૂછ્યુ કે, તમે કંઇ ખાધુ?, તો પરબતે ના પાડી. તો અક્ષયે તેણે જમવા માટે પણ કહ્યુ.
અક્ષયે આ વીડિયો શૅર કરતા કેપ્શન લખ્યુ કે, ' આપ સૌને મળવું હંમેશાં ઉત્તમ છે અને તમે મને જે પ્રેમ કરો છો તેના માટે હું આભારી છું પણ કૃપા કરીને આ બાબતો ન કરવા વિનંતી. તમારા જીવનને વધુ સારું બનાવવામાં તમારા સમય, શક્તિ અને સંસાધનો પર ધ્યાન કેન્દ્રિત કરો, જે મને સૌથી વધુ ખુશ કરશે. પરબતને ખૂબ ખૂબ શુભેચ્છા.''