બોલિવૂડ / અક્ષય કુમાર- કરીના કપૂરની 'ગૂડ ન્યૂઝ', પહેલા દિવસે કરી અધધધ...કમાણી

• 27 ડિસેમ્બરે રીલિઝ થઈ ગૂડ ન્યૂઝ
• અક્ષય- કરીનાની આ ફિલ્મે કરી કરોડોની કમાણી
• દબંગ 3ને પણ આપી ચૂકી છે ટક્કર

અક્ષય કુમાર અને કરીના કપૂર સ્ટારર ફિલ્મ ગુડ ન્યૂઝ શુક્રવારે એટલે કે ગઈકાલે રીલિઝ થઈ છે. ગુડ ન્યૂઝને ક્રિટિક્સે સારો રિસ્પોન્સ આપ્યો છે. ટિકિટ વિન્ડો પર પણ ગુડ ન્યૂઝનું ઓપનિંગ સારું રહ્યું છે. રિપોર્ટ્સના અનુસાર ફિલ્મે પહેલાં દિવસે જ 17-19 કરોડની કમાણી કરી છે. 

વીકેન્ડમાં વધુ કલેક્શનની આશા

શરૂઆતમાં એટલે કે મોર્નિંગમાં ગુડ ન્યૂઝની કમાણી થોડી ધીમી હતી. પરંતુ સાંજ સુધીમાં ફિલ્મે સારી એવી પકડ જમાવી લીધી. ફિલ્મે પહેલાં દિવસે બોક્સ ઓફિસ પર સારું પ્રદર્શન કર્યું છે. ફિલ્મથી વીકેન્ડમાં વધારે સારું કલેક્શન કરવાની આશા રાખવામાં આવી રહી છે. બોક્સ ઓફિસ પર ગુડ ન્યૂઝની ટક્કર સલમાનની દબંગ 3ની સાથે છે. દબંગ 3ના હોવાના કારણે ફિલ્મે સારું કલેક્શન કર્યું છે. દબંગ 3 ગયા અઠવાડિયે 20 ડિસેમ્બરે રીલિઝ થઈ છે. 

શું છે ફિલ્મની સ્ટોરી

ફિલ્મ ગુડ ન્યૂઝ વરુણ (અક્ષય કુમાર) અને દિપ્તી બત્રા (કરીના કપૂર ખાન) એક મોર્ડન અને હાઈફાઈ કપલની સ્ટોરી છે. આ બંને મુંબઈમાં રહે છે. આ બંને પોતાની કરિયર પર ધ્યાન આપી રહ્યા છે અને સઆથે જ બાળકો જન્માવવાની કોશિશમાં છે.

દિપ્તી બત્રા બાળકો ઈચ્છે છે અને વરુણને માટે આ વાત મુશ્કેલી સમાન છે. બંનેની કોશિશ પછી પણ દિપ્તી બત્રા પ્રેગનન્ટ થઈ શકતી નથી. એવામાં દિપ્તી અને વરુણના ઘરવાળા IVFની મદદ લેવાની સલાહ આપે છે. ફિલ્મની વાર્તામાં અહીંથી ટ્વિસ્ટ આવે છે. દિલજીત દોસાંઝ અને કિયારા અડવાણીની એન્ટ્રી થાય છે. 

ઉલ્લેખનીય છે કે ફિલ્મને રાજ મહેતાએ ડાયરેક્ટ કરી છે. તેમાં અક્ષય કુમાર, કરીના કપૂર, દિલજીત દોસાંઝ અને કિયારા અડવાણી છે. દર્શકોએ તેને ઈમોશન્સ અને કોમોડીનું શાનદાર કોમ્બિનેશન ગણાવ્યું છે.