Forbes 2019 પ્રમાણે, ગયા વર્ષે નંબર બે પર રહેલો ડ્વેન આ વર્ષે નંબર વન પર આવ્યો છે. ગયા વર્ષે હાઈએસ્ટ પેઈડ એક્ટર તરીકે જ્યોર્જ ક્લૂની નંબર વન પર હતો. તો બોલિવુડ એક્ટર અક્ષય કુમાર આ લિસ્ટમાં ચોથા નંબરે છે.
તાજેતરમાં જારી કરવામાં આવેલા Forbes મેગેઝિનની યાદીમાં ડ્વેન હાઇપેસ્ટ પેડ એક્ટરની યાદીમાં સૌથી ટોપ પર છે. ‘જુમાનજી’ તથા ‘ફાસ્ટ એન્ડ ફ્યૂરિયસ’ જેવી એક્શન ફિલ્મ્સમાં કામ કર્યાં બાદ ડ્વેન ઓડિયન્સમાં ઘણો જ ફેમસ બન્યો છે. આ લિસ્ટ જૂન 2018થી જૂન 2019 સુધીની સેલેબ્સની કમાણીને આધારે તૈયાર કરવામાં આવ્યું છે. ડ્વેને ગયા વર્ષે 89.4 (અંદાજે 6,39,54,97,200 રૂપિયા) મિલિયન ડોલરની કમાણી કરી છે.
આ કમાણીમાં ડ્વેનની ફિલ્મ્સની ફી, નફાનો હિસ્સો પણ સામેલ છે. આ ઉપરાંત HBO પર આવતી સીરિઝ ‘બૈલેર્સ’ના પ્રતિ એપિસોડ 7 લાખ ડોલર (અંદાજે 5,00,76,600 રૂપિયા) તથા અન્ડર આર્મર સાથે તેના કપડાં, જૂતા તથા હેડફોનની રોયલ્ટીનો પણ સમાવેશ થાય છે.
આ લિસ્ટમાં ટોપ 10માં 'એવેન્જર્સ એન્ડગેમ'ના 2 એક્ટ્રેસ ક્રિસ હેમસ્વર્થ અને રોબર્ટ ડાઉની પણ શામેલ છે. Forbes અનુસાર, ક્રિસ હેમસ્વર્થની કમાણી 76.4 મિલિયન ડોલર જ્યારે રોબર્ટ ડાઉનની 66 મિલિયન ડોલર છે. આ લિસ્ટમાં બ્રેડલી કૂપર, ક્રિસ ઇવાન્સ અને પૉલ રૂડ પણ ટોપ 10માં છે. રિપોર્ટ અનુસાર, એક્ટર બ્રેડલી કૂપર પોતાની 'ધ સ્ટાર ઇઝ બોર્ન' થી 40 મિલિયન ડોલરની કમાણી કરી છે, તેણે ફિલ્મમાં 57 મિલિયન ડૉલર લગાવ્યા હતા.
અક્ષય કુમારે બનાવ્યો રેકોર્ડ:
Forbes ની હાઇએસ્ટ પેડ એક્ટર્સની લિસ્ટમાં બોલિવુડ એક્ટર અક્ષય કુમાર ચોથા સ્થાન પર છે. તેની કુલ કમાણી 65 મિલિયન ડૉલર (4,64,99,70,000 રૂપિયા) છે. અક્ષય પછી એક્ટરમાં જેકી ચૈન પણ 58 મિલિયનની સાથે ટોપ 10ની યાદીમાં શામેલ છે.
લિસ્ટમાં એકમાત્ર બોલિવુડ સ્ટાર:
અક્ષય કુમારે બ્રેડલી કૂપર અને વિલ સ્મિથ જેવા સ્ટાર્સ પછાડીને ટોપ 5માં જગ્યા બનાવી છે. અક્ષય કુમાર આ યાદીમાં જગ્યા મેળવનારો એકમાત્ર બોલિવુડ સ્ટાર છે. અક્ષય કુમાર બેક ટૂ બેક હિટ ફિલ્મ્સ આપી રહ્યો છે. ઉલ્લેખનીય છે કે ગયા વર્ષે આ યાદીમાં સલમાન ખાન તથા અક્ષય કુમાર એમ બે નામ હતાં. જોકે, આ વર્ષે માત્ર અક્ષય કુમાર જ લિસ્ટમાં સામેલ છે.