મનોરંજન / કેનેડા-કેનેડા સાંભળીને કંટાળ્યો હવે..: અક્ષય કુમારે ભારતીય નાગરિકતા મામલે લીધો મોટો નિર્ણય

• અક્ષય કુમારને લોકો  'કેનેડા કુમાર' કહી ટ્રોલ કરે છે 
• ક્યારે આવશે અક્ષયનો નવો પાસપોર્ટ?
• ફિલ્મ હેરા ફેરી 3 ને કહી ના 

બૉલીવુડમાં ત્રણ ખાનની બોલબાલા સાથે સાથે અક્ષય કુમાર પણ ઘણા વર્ષોથી રાજ કરે છે પણ આ સાથે જ અક્ષય કુમાર વર્ષોથી સોશિયલ મીડિયા પર ટ્રોલનો સામનો કરી રહ્યા છે. જ્યારે પણ સોશિયલ મીડિયા પર અક્ષય કુમારની ફિલ્મો અથવા તેની સાથે સંબંધિત બીજી કોઈ પણ ચર્ચા થાય ત્યારે એમને ટ્રોલ કરનાર લોકો  'કેનેડા કુમાર' અથવા 'કેનેડિયન કુમાર' કહે છે. જણાવી દઈએ કે અક્ષય કુમાર પાસે કેનેડિયન પાસપોર્ટ અને નાગરિકતા છે અને આ કારણે ટ્રોલર્સ તેને આ નામથી બોલાવે છે. જો કે હાલ જ અક્ષય કુમારે કહ્યું હતું કે લોકો તેને આ નામે બોલાવે છે તેનાથી તેઓ કંટાળી ગયા છે. 

ક્યારે આવશે અક્ષયનો નવો પાસપોર્ટ?
2019 માં એક વાતચીત દરમિયાન અક્ષય કુમારે વચન આપ્યું હતું કે તે ટૂંક સમયમાં જ તેઓ ભારતીય પાસપોર્ટ માટે અરજી કરશે અને આજે એ વાતને ત્રણ વર્ષ વીતી ગયા પણ આજે અભિનેતાએ આ વિશે અપડેટ આપ્યું હતું. હાલમાં જ એક વાતચીત દરમિયાન એમને જણાવ્યું હતું કે  'કેનેડિયન પાસપોર્ટ હોવાનો અર્થ એ નથી કે હું ભારતીય નથી. હું પૂરી રીતે ભારતીય છું મેં આ કેનેડીયન પાસપોર્ટ શા માટે બનાવાયો અને શું થયું તેની વિગતો હવે હું અત્યારે નહીં કહું, આ પહેલા પણ આ વિશે ઘણી વાત કરી લીધી છે કે મારી ફિલ્મો નહતી ચાલતી ને કંટાળીને મે અવઔ કર્યું... વગેરે વગેરે, વહાલો એ બધુ ઠીક છે. મેં 2019માં કહ્યું હતું અને મેં ભારતીય પાસપોર્ટ માટે અરજી કરી હતી. ત્યારબાદ કોવિડ આવ્યો અને એ પછી બધુ બંધ થઈ ગયું. તમને જણાવી દઉં કે મારો રિન્યુઅલનો પત્ર હમણાં જ આવ્યો છે અને ટૂંક સમયમાં મારો સંપૂર્ણ પાસપોર્ટ પણ આવી જશે.' 

હેરા ફેરી 3 ને કહી ના 
જણાવી દઈએ કે એ સમયે અક્ષય કુમારે ફિલ્મ 'હેરા ફેરી 3' વિશે પણ વાત કરી હતી. જો કે ઘણા સમયથી સમાચાર આવી રહ્યા છે કે અક્ષય આ ફિલ્મનો ભાગ નહીં રહે અને એમની જગ્યાએ કાર્તિક આર્યનને લેવામાં આવ્યો છે. અને હાલમાં જ અક્ષય કુમારે આ વાત વિશે પણ પુષ્ટિ કરી હતી અને આવો નિર્ણય શા માટે લીધો તે પણ જણાવ્યું હતું.

We want @akshaykumar back in these movie sequels but with #gooddirectors and #strongscript...
If bad script and director is the problem for not signing #herapheri3 then we support u @akshaykumar sir.
Because we dont want that u get troll for bad dialogue and script in future.❤️🙏 pic.twitter.com/BEMhr88Q1f

— 𝐏𝐑𝐈𝐍𝐂𝐄 𝐀𝐊𝐊𝐈 (@khiladiofworld) November 13, 2022

અક્ષય કુમારે કહ્યું હતું કે, 'હેરા ફેરી મારો એક ભાગ છે અને મારી આ ફિલ્મ સાથે ઘણી સારી યાદો જોડાયેલ છે પણ મને એ વાતનું પણ દુ:ખ છે કે આટલા વર્ષો સુધી એ ફિલ્મ ન બની એટલે કે તેનો ભાગ 3 ન બન્યો. મને આ ફિલ્મની ઓફર મને મળી  હતી અને મને તેના વિશે કહેવામાં આવ્યું હતું પણ તેનું સ્ક્રીન પ્લે, સ્ક્રીપ્ટ અને બધું જોઈને હું તેનાથી સંતુષ્ટ નહોતો, અને એ બધા હું ખુશ નહતો.'