બોલિવુડ એક્ટર અક્ષય કુમાર તાજેતરમાં જ પોતાની અપકમિંગ ફિલ્મ 'હાઉસફૂલ 4' ના પ્રમોશન માટે મનીષ પૉલના નવા શો 'મૂવી મસ્તી' માં પહોંચ્યો હતો. આ દરમિયાન શોના આર્ટિસ્ટ હાર્નેસને લઇને સ્ટંટ કરી રહ્યા હતા, પરંતુ અચાનકથી જ તે બેભાન થઇ ગયો. જોકે અક્ષયે પોતાની સૂઝબૂઝથી તે આર્ટિસ્ટને પડતા બચાવ્યો. આ શોના વીડિયો હાલમાં સોશ્યલ મીડિયા પર વાયરલ થઇ રહ્યો છે.
આ વીડિયોમાં જોઇ શકાય છે કે હાર્નેસ સાથે લટેકેલો આ આર્ટિસ્ટ પાછળની બાજુએ જુએ છે અને તે નીચે કરવા માટે જણાવે છે. તે જણાવે છે કે તેનું બ્લડ પ્રેશર ઘટી રહ્યુ છે. કહેવામાં આવી રહ્યુ છે કે, બેભાન થવા લાગે છે ત્યારે તેનો કો-પાર્ટિસિપેન્ટ અલી અસરગ તેના હાર્નેસને પકડી લે છે અને તેને પાણીમાં જતા રોકે છે. ખેલાડી કુમાર તરત જ વૉટર ટેન્ક તરફ દોડે છે અને કૂદીને તે વ્યકિતને બચાવી રહ્યો છે.
આ વીડિયોને જોઇને સોશ્યલ મીડિયા પર યૂઝર્સ ખૂબ જ પૉઝિટવ રિસપોન્સ આપી રહ્યા છે. ઇન્ટરનેટ પર વાયરલ થયેલા આ વીડિયોને જોઇને લોકો અક્ષય કુમારની ફિટનેસ અને તેની સૂઝબૂઝના વખાણ કરી રહ્યા છે.
તાજેતરમાં જ ક્ષય કુમારની ફિલ્મ ‘હાઉસફુલ 4’નું ટ્રેલર રિલીઝ કરી દેવામાં આવ્યું છે. ટ્રેલર જોતા ખ્યાલ આવે છે કે અક્ષય કુમાર, ક્રિતિ સેનન, બોબી દેઓલ, રિતેશ દેશમુખ, પૂજા હેગડે તથા કીર્તિ ખરબંદાનો પુર્નજન્મ થાય છે. વર્ષ 1419ના સીતમગઢ તથા વર્ષ 2019 લંડન વચ્ચેની સફરની વાત આ ફિલ્મમાં કરવામાં આવી છે. આ ફિલ્મ દીવાળી પર એટલે કે 25 ઓક્ટોબરે રિલીઝ થશે.