સોશિયલ મીડિયા પર અક્ષયનો એક જૂનો વીડિયો ખૂબ જ વાયરલ થઈ રહ્યો છે. જેમાં અક્ષય પોતાની જુની ફિલ્મ 'Oh May God'ના પ્રમોશન વખતે મંદિરોમાં પૂજા કરવાની જગ્યા પર ગરીબોની મદદ કરવાની વાત કરતા હતા.
સોશિયલ મીડિયા પર અક્ષયનો જુનો વીડિયો વાયરલ
ફિલ્મ 'Oh May God'ના પ્રમોશનનો વીડિયો
ગરીબોને દાન કરવાની કહી હતી વાત
બોલિવુડ એક્ટર અક્ષય કુમારની ચર્ચિત ફિલ્મ 'સમ્રાટ પૃથ્વીરાજ' શુક્રવારે 3 જૂનને થિએટર્સમાં રિલીઝ થઈ ચુકી છે. આ ફિલ્મમાં પૂર્વ મિસ વર્લ્ડ માનુષી છિલ્લરે ડેબ્યૂ કર્યું છે. મૂવીની સફળતા માટે અક્ષય કુમાર તનતોડ મહેનત કરી રહ્યો છે અને પ્રમોશન કરી રહ્યો છે.
અક્ષય કુમારનો જૂનો વીડિયો વાયરલ
અક્ષયે ઈતિહાસને લઈને એક વિવાદિત નિવેદન પણ આપ્યું છે. ખૂબ પૂજા-પાઠ પણ કરી છે. આ વચ્ચે સોશિયલ મીડિયા પર તેનો એક જૂનો વીડિયો વાયરલ થઈ રહ્યો છે. જેમાં અક્ષય કુમારે પોતાની જૂની ફૂલ્મ 'Oh May God'ના પ્રમોશન વખતે મંદિરોમાં પૂજા કરવાની જગ્યા પર ગરીબોને દાન કરવાની વાત કરી રહ્યો છે.
શું છે જૂના વીડિયોમાં ખાસ?
ટ્વીટર પર આ વીડિયો એક પત્રકારે શેર કર્યો છે હકીકતે આ વીડિયોમાં બે વીડિયોનો કોલાજ બનાવવામાં આવ્યો છે. જ્યાં પહેલા વીડિયોમાં 'OMG' ફિલ્મના પ્રમોશન વખતે અક્ષય કુમારની બે ક્લિપ્સને જોડીને દર્શાવવામાં આવી છે. ત્યાં જ બીજા વીડિયોમાં તે ગુજરાતના સોમનાથ મંદિરમાં પૂજા કરતા જોવા મળી રહ્યા છે.
OMGના પ્રમોશન વખતે શું કહ્યું હતું અક્ષયે?
વાયરલ થઈ રહેલી આ ક્લિપમાં અક્ષય કહી રહ્યા છે, " આપણે ભગવાન પર કેટલું બધુ દૂધ ચઢાવીએ છીએ અને તેને બરબાદ કરીએ છીએ. એવું ક્યાંય નથી લખ્યું કે ભગવાને એ કહ્યું છે કે મને દૂધ આપો અને હનુમાનજીએ કહ્યું હોય કે મરા પર તેલ નાખો. હું જ્યારે પણ મંદિર જઉં છું. જોવું છું કે ત્યાં વસ્તુઓ ખૂબ જ બર્બાદ કરવામાં આવે છે. આપણે આ વિચારને વિકસિત કરવાનો છે કે આવું કામ કરવાનું બંધ કરીએ અને વસ્તુઓને પ્રેક્ટિકલી જોઈએ."
ત્યાં જ અક્ષયની બીજી વીડિયો ક્લિપ છે તેમાં તે કહી રહ્યા છે. "ભગવાન શિવ પર કેટલું બધુ દૂધ બરબાદ કરવામાં આવે છે. હું દર છ મહિને એક વખત વૈષ્ણો દેવી મંદિર જતો હતો અને 2-3 લાખ રૂપિયા ખર્ચ કરતો હતો. એક દિવસ મને વિચાર આવ્યો કે જો હું આ 3 લાખ રૂપિયા કોઈ ગરીબ અથવા જરૂરીયાતમંદને આપું તો મને વૈષ્ણો દેવીના દર્શન તે ગરીબની અંદર જ થઈ જશે."
બીજા વીડિયોમાં અક્ષય પૂજા કરતા જોવા મળે છે
ત્યાં જ બીજા વીડિયોમાં અક્ષય કુમાર પોતાની ફિલ્મ પૃથ્વીરાજની સફળતા માટે માનુષી છિલ્લરની સાથે સોમનાથ મંદિરમાં પૂજા કરતા જોવા મળી રહ્યા છે. તે માનુષીની સાથે શિવલિંગ પર દૂધ, દહીં અને ફૂલ ચઢાવતા જોવા મળી રહ્યા છે.