બોલિવૂડ સ્ટાર અક્ષય કુમાર હાલ તેની અપકમિંગ ફિલ્મ 'ગુડ ન્યૂઝ'ના પ્રમોશનમાં વ્યસ્ત છે. ફિલ્મના પ્રમોશન માટે તે કપિલ શર્માના શોમાં પણ હાજરી આપવાનો છે. શો માટે અક્ષયે શૂટિંગ કરી લીધું છે. કપિલ શર્માના સેટ પરથી જ્યારે અક્ષય કુમાર ઘરે આવ્યો ત્યારે તે તેની પત્ની ટ્વિંકલ ખન્ના માટે એક સ્પેશિયલ ગિફ્ટ લઈને આવ્યો હતો અને આ ગિફ્ટ ટ્વિંકલને ખૂબ જ પસંદ આવી. જોકે, આ ગિફ્ટ હતી ડુંગળીની ઈયરિંગ્સ.
આ સ્ટારે પત્નીને ગિફ્ટ કરી ડુંગળીની ઈયરિંગ્સ
સોશિયલ મીડિયા પર વાયરલ થઈ તસવીર
સંસદથી લઈને સોશિયલ મીડિયા સુધી ડુંગળીની ચર્ચા
અક્ષયે ટ્વિંકલને આપ્યા ઈયરિંગ્સ
ટ્વિંકલે ઈન્સ્ટાગ્રામ પર ડુંગળીના ઈયરિંગ્સની તસવીર શેર કરી હતી અને લખ્યું હતું કે, મારા પાર્ટનર ધ કપિલ શર્મા શોમાં પર્ફોમ કરીને પાછા આવ્યા અને કહ્યું, 'કરીનાને આ ઈયરિંગ્સ દેખાડી રહ્યા હતા, તો મને નથી લાગતું કે તે વધારે ઈમ્પ્રેસ થઈ, પરંતુ હું જાણતો હતો કે, તને આ ખૂબ જ પસંદ આવશે. આથી હું તારા માટે લઈને આવી. ક્યારેક નાનકડી વસ્તુઓ, બેવકૂફી ભરેલી વસ્તુઓ પણ તમારા દિલને સ્પર્શી જાય છે.
સોશિયલ મીડિયા પર ડુંગળીની આ ઈયરિંગ્સ ઘણી વાયરલ થઈ રહી છે. નોંધનીય છે કે, હાલ ડુંગળીના ભાવ આસમાને છે. ત્યારે સંસદથી લઈને સોશિયલ મીડિયા સુધી દરેક જગ્યાએ ડુંગળીની ચર્ચા છે.