ગત દિવસોમાં અક્ષય કુમારને Forbesના દુનિયાના હાઇએસ્ટ પેડ સેલિબ્રિટીઝની યાદીમાં શામેલ કરવામાં આવ્યો હતો.
અક્ષય એકમાત્ર ભારતીય એક્ટર છે જેણે Forbesની આ યાદીમાં જગ્યા મળી હતી. 444 કરોડની કમાણીની સાથે અક્ષય Forbesની ગ્લોબલ લિસ્ટમાં 35માં સ્થાન પર છે પરંતુ લાગી રહ્યુ છે કે, વર્ષમાં કરોડોની કમાણી કરનારો અક્ષય કુમાર પૈસા કમાવવા માટે કોઇ પણ મૌકો છોડતો નથી, ત્યારે તો એક્ટરે 100 પાઉન્ડ કમાવવા માટે આ કામ કર્યુ.
વાસ્તવમાં અક્ષય કુમાર હાલમાં ફેમિલીની સાથે વેકેશન પર છે. ટ્વિકંલ ખન્નાએ અક્ષય કુમારનો એક વીડિયો સોશ્યલ મીડિયા પર શૅર કર્યો છે જેમાં તે પૉલ પર લટકીને એક ફિટનેસ ચેલેન્જ પૂરી કરી રહ્યો છે. નિર્ધારિત સમય સુધી હવામાં લટકવાની આ ચેલેન્જ જીતનારાને ઇનામમાં 100 પાઉન્ડ મળશે. અક્ષયનો આ વીડિયો શૅર કરીને ટ્વિંકલ તેની મજાક ઉડાવી રહી છે.
ટ્વિંકલે ઇન્સ્ટા પર આ વીડિયો શૅર કરતા કેપ્શન લખ્યુ કે, ''Forbesની યાદીમાં જગ્યા મેળવવા છતા ખુશ નથી, તેણે જલ્દીથી 100 પાઉન્ડ જીતવા છે.'' સોશ્યલ મીડિયા પર અક્ષય કુમારનો આ વીડિયો વાયરલ થઇ રહ્યો છે. વીડિયો પર ફેન્સ પણ કમેન્ટ્સ કરી રહ્યા છે.
તો વર્કફ્રન્ટની વાત કરવામાં આવે તો 15 ઓગસ્ટના તેની ફિલ્મ 'મિશન મંગળ' રિલીઝ થવા જઇ રહી છે. આ સિવાય ઘણી ફિલ્મો પાઇપલાઇનમાં છે. જેમાં હાઉસફૂલ 4, ગૂડ ન્યૂઝ, લક્ષ્મી બોમ્બ અને સૂર્યવંશી શામેલ છે. મિશન મંગળ સિવાય હાઉસફૂલ 4 અને ગૂડ ન્યૂઝ આ વર્ષે જ રિલીઝ થશે.