બોલીવુડ / અક્ષય કુમારે એક જ વર્ષમાં કરી અધધ.. કમાણી, આ અભિનેતાઓને છોડ્યાં પાછળ

• અક્ષયે એક જ વર્ષમાં ૭૦૦ કરોડની કમાણી કરી
• સલમાનનો પણ રેકોર્ડ તોડ્યો
• ૨૦૧૯માં બોક્સ ઓફીસ પર સફળ રહ્યો

અક્ષયકુમારે બોલિવૂડમાં ઇતિહાસ રચી દીધો છે. તે બોલિવૂડનો એકમાત્ર એવો એક્ટર બની ગયો છે, જેણે બોક્સ ઓફિસ પર એક વર્ષમાં ૭૦૦ કરોડની કમાણી કરી છે. ૨૦૧૫માં સલમાનખાને વન એર ક્લબમાં ૫૦૦ કરોડ રૂપિયાની કમાણી કરી હતી. તે વર્ષે તેની ફિલ્મ 'બજરંગી ભાઇજાન' અને 'પ્રેમ રતન ધન પાયો' આવી હતી. આ બે ફિલ્મોએ મળીને કુલ ૫૩૦.૫૦ કરોડની કમાણી કરી હતી. ગયા વર્ષે રણવીરસિંહે 'પદ્માવત' અને 'સિમ્બા' મળીને ૫૪૨.૪૬ કરોડની કમાણી કરી હતી. 

અક્ષયકુમારની ૨૦૧૯માં ચાર ફિલ્મ રિલીઝ થઇ ત્યારે ટ્રેડ પંડિતો આશા રાખી રહ્યા હતા કે તે આ ક્લબનાે ત્રીજાે સભ્ય હશે, પરંતુ અક્ષયે તમામ રેકોર્ડ બ્રેક કર્યા. તેણે ૫૦૦ કરોડની ક્લબમાં એન્ટ્રી કરી એટલું જ નહીં, તેણે સલમાન અને રણવીરનો રેકોર્ડ પણ તોડી દીધો અને નવી ૭૦૦ કરોડની ક્લબ બનાવી લીધી. ૨૦૧૯ની શરૂઆત અક્ષયે 'કેસરી' ફિલ્મથી કરી, જે હિટ રહી. ત્યારબાદ તેની 'મિશન મંગલ' આવી. ત્રીજી ફિલ્મ 'હાઉસફુલ-૪' અને 'ગુડ ન્યૂઝ' તેની લેટેસ્ટ ફિલ્મ હતી. આ રીતે અક્ષય ૭૦૦ કરોડ કરતાં પણ ઉપર પહોંચી ગયો. તેની કુલ કમાણી ૭૧૪.૦૯ કરોડ રૂપિયા થઈ.