હાલમાં જ અક્ષય કુમારે વિમલની એડ કરી હતી અને ટ્રોલ થયા બાદ હવે તેમણે ઇન્સ્ટાગ્રામ પર પોસ્ટ શેર કરીને માફી માંગી છે.
અક્ષય કુમારે હાલમાં જ કરી હતી વિમલની એડ
ફેન્સ દ્વારા થયા હતા ટ્રોલ
એડ કરવા માટે અક્ષય કુમારે માંગી માફી
અક્ષય કુમારે હાલમાં જ કરી હતી વિમલની એડ
અક્ષય કુમાર હાલમાં જ એક જાહેરાતને લઈને ચર્ચામાં છે. તેમણે તેમણે એક તમાકુ કંપનીની એડ કરી હતી, જેને લઈને તેમના ફેન્સ ઘણા નારાજ હતા, અને લોકો તેમને ખૂબ જ ટ્રોલ કરી રહ્યા હતા. હવે આ જ જાહેરાતને લઈને અક્ષય કુમારે એક નિવેદન આપી પોતાના ફેન્સની માફી માંગી છે.
એડ કરવા માટે અક્ષય કુમારે માંગી માફી
તેમણે પોતાના ઇન્સ્ટાગ્રામ પર એક પોસ્ટ શેર કરતા લખ્યું છે કે મારા બધા ફેન્સ અને શુભચિંતકોની હું માફી માંગવા ઈચ્છું છું, થોડા દિવસોથી તમારી પ્રતિક્રિયાઓએ મને ખૂબ જ પ્રભાવિત કર્યો છે. જોકે મેં ક્યારેય તમાકુને એન્ડોર્સ કર્યું નથી કે ન આગળ કરીશ. વિમલ ઈલાયચી સાથે મારા એસોસિએશન બાદ તમારી ભાવનાઓની હું કદર કરું છું. આ માટે વિનમ્રતા સાથે હું પોતાના ડગલા પાછા ખેંચું છું.
તેમણે આગળ લખ્યું છે કે મેં આ નિર્ણય કર્યો છે કે હું આ એન્ડોર્સમેન્ટની ફીસ કોઈ નેક કામ માટે વાપરીશ. જોકે બ્રાન્ડ આગળ પણ આ એડને એર કરતી રહેશે, જ્યાં સુધી મારા કોન્ટ્રેક્ટની લીગલ સીમા પૂરી ન થઇ જાય, પરંતુ હું તમને વચન આપું છું કે હું સમજી વિચારીને પોતાના આગળના વિકલ્પો પસંદ કરીશ અને તેનાં બદલામાં હું તમારો પ્રેમ અને શુભકામનાઓ ઈચ્છું છું.
લોકોએ કર્યા હતા ટ્રોલ
જણાવી દઈએ કે હાલમાં જ અક્ષય કુમારે એક તમાકુની એડ કરી હતી, જેમાં તેમની સાથે શાહરૂખ ખાન અને અજય દેવગણ પણ જોવા મળ્યા હતા. તેમની આ એડ આવ્યા લોકોએ તેમનો એક જુનો વીડિયો બતાવીને તેમને ટ્રોલ કરવાનું શરુ કરી દીધું હતું.