બોલીવુડ / અક્ષય કુમાર અને પ્રિયંકા ચોપરાનું 17 વર્ષ જૂનું સોન્ગ થયું રિલીઝ, જોરદાર છે બન્નેની કેમિસ્ટ્રી

• અક્ષય કુમાર અને પ્રિયંકા ચોપડાનું ગીત રિલીઝ 
• 2005માં આ ગીત શૂટ થયું હતું
• આ કારણે અક્ષય કુમારે છોડી હતી ફિલ્મ 

અક્ષય કુમાર અને પ્રિયંકા ચોપડાએ 'એતરાઝ' અને 'મુઝસે શાદી કરોગી' જેવી ઘણી હિટ ફિલ્મોમાં સાથે કામ કર્યું છે પણ ફિલ્મ 'વક્ત' પછી બંને સ્ટાર્સે ફરી ક્યારેય એક સાથે દેખાયા નહતા. હવે આ જોડીને ફરી એક વખત સાથે જોવા મળવાની છે. અક્ષય કુમાર અને પ્રિયંકા ચોપરાનું એક ગીત આવી ગયું છે.આ ગીતની ખાસિયત એ છે તે 2005માં શૂટ થયું હતું અને આ ગીત 17 વર્ષ પછી રિલીઝ કરવામાં આવ્યું છે. ગીતનું નામ 'વો પહેલી બરસાત' છે. પ્રિયંકા અને અક્ષયે ફિલ્મ 'બરસાત' ફિલ્મ માટે આ ગીત શૂટ કર્યું હતું પણ એ પછી અક્ષયે ફિલ્મ છોડી દીધી હતી. આ પછી દિગ્દર્શક સુનીલ દર્શને પ્રિયંકા સાથે બોબી દેઓલ લીડ રોલમાં લઈને ફિલ્મ બનાવી હતી. 

કુમાર સાનુના અવાજનો જાદુ 
ફિલ્મ 'બરસાત'નું ટાઈટલ ટ્રેક તો જરૂરથી યાદ હશેને. બોબી દેઓલ અને પ્રિયંકા ચોપરા પર ફિલ્માવવામાં આવેલ આ ગીત કુમાર સાનુએ ગાયું હતું. હાલ રિલીઝ થયેલ આ ગીતમાં મૂળ જોડી પ્રિયંકા અને અક્ષયની હતી. અક્ષયે ફિલ્મ છોડ્યા બાદ બોબી દેઓલ આ ફિલ્મમાં લેવામાં આવ્યો હતો. ગીતના બંને વીડિયો જોયા પછી તમને ખબર પડશે કે બંને વખત ગીત એક જ લોકેશન અને સેટિંગમાં શૂટ થયું છે. બસ પ્રિયંકાના કપડાં અલગ જોવા મળશે. 

આ કારણે અક્ષયકુમારે છોડી હતી ફિલ્મ 
હાલ જ એક ઇંટરવ્યૂમાં  ડિરેક્ટર સુનીલ દર્શને આ ગીત અને ફિલ્મ વિશે ચર્ચા કરી હતી. તેમને કહ્યું હતું કે અક્ષય અને પ્રિયંકાએ ફિલ્મનું શૂટિંગ શરૂ કરી દીધું હતું અને બંનેએ સાથે ટાઇટલ ટ્રેક પણ શૂટ કર્યો હતો પરંતુ એ સમય દરમિયાન અક્ષયને તેની કેટલીક 'પારિવારિક સમસ્યા' ઉકેલવી હતી. અક્ષય માટે એ સમસ્યા ઘણી મોટી હતી નહીં તો અક્ષય ક્યારેય આ રીતે ફિલ્મને વચ્ચે ન છોડ. મેડિયા રિપોર્ટ્સમાં એવું પણ કહેવામાં આવતું હતું કે તે દિવસોમાં અક્ષય અને પ્રિયંકાની નિકટતા વિશે ઘણી અફવાઓ આવવા લાગી હતી, તેથી ટ્વિંકલ ખન્નાએ અક્ષયને ફિલ્મમાં કામ ન કરવાનું કહ્યું હતું.