IPL 2022 / ગુજરાતી છું ને...: બૉલિંગના પ્રશ્ન પર અક્ષર પટેલે આપ્યો જબરો જવાબ, હસી પડ્યો કમેન્ટેટર

• દિલ્હી કેપિટલ્સ અને પંજાબ કિંગ્સ વચ્ચે ગઈકાલે રમાઈ હતી મેચ 
• અક્ષર પટેલે આપ્યો રમૂજી જવાબ  
• દિલ્હી કેપિટલ્સે આપી પંજાબ કિંગ્સને માત 

દિલ્હી કેપિટલ્સ અને પંજાબ કિંગ્સ વચ્ચે ગઈકાલે રમી હતી મેચ 

IPL 2022ની 32મી મેચમાં દિલ્હી કેપિટલ્સે પંજાબ કિંગ્સને માત આપી હતી. દિલ્હીએ પંજાબ પર 9 વિકેટથી જીત મેળવી. પંજાબ કિંગ્સે 20 ઓવરમાં 115 રન બનાવ્યા અને ત્યાર બાદ દિલ્હીએ આ ટારગેટ માત્ર 10.3 ઓવરમાં પૂરો કર્યો હતો. દિલ્હીનાં ઓપનર પૃથ્વી શો અને ડેવિડ વોર્નરે કમાલનું પ્રદર્શન કરતા પંજાબનાં બોલર્સને ધૂળ ચટાવી. જોકે આ જીતમાં હજુ એક પ્લેયરની મુખ્ય ભૂમિકા રહી છે, જેનું નામ છે અક્ષર પટેલ. અક્ષર પટેલે 4 ઓવરમાં માત્ર 10 રન આપીને 2 વિકેટ લીધી. પટેલે પંજાબ કિંગ્સનાં સૌથી ખતરનાક બેટ્સમેન લિયામ લિવિંગસ્ટનને આઉટ કર્યા હતા અને ત્યાર બાદ જીતેશ શર્માની પણ વિકેટ લીધી. અક્ષર પટેલને જયારે તેમના આ શાનદાર પ્રદર્શન વિષે પૂછવામાં આવ્યું હતું ત્યારે તેમણે ગજબ જવાબ આપ્યો હતો. 

🔝 bowling effort ✅
🔥 chase ✅

Simply clinical stuff from the DC boys as we registered the biggest win in the history of the IPL in terms of balls to spare in a chase of 100+ runs 💙#YehHaiNayiDilli | #IPL2022 | #DCvPBKS | #TATAIPL | #IPL | #DelhiCapitals pic.twitter.com/N8DVhgqdoM

— Delhi Capitals (@DelhiCapitals) April 20, 2022

કમેન્ટેટર હર્ષા ભોગલેએ અક્ષર પટેલને પૂછ્યું કે કંજુસાઈથી બોલિંગ કરી તમે. અક્ષર પટેલનો જવાબ કમાલનો હતો. અક્ષર પટેલે કહ્યું કે ગુજરાતી છું ને. આ જવાબ સાંભળીને હર્ષા ભ્ગલે પણ હસવા લાગ્યા. બધા ફેન્સ અક્ષર પટેલનાં સેન્સ ઓફ હ્યુમરનાં વખાણ કરવા લાગ્યા. 

ધ્યાન કોવિડ નહીં, ક્રિકેટ પર છે - અક્ષર પટેલ 
અક્ષર પટેલે જણાવ્યું કે દિલ્હી કેપિટલ્સની ટીમમાં 6 લોકોને કોરોના થયા બાદ ટીમનો મૂડ કેવો છે. તેમણે કહ્યું કે ટીમનું પૂરું ધ્યાન ક્રિકેટ પર છે. અક્ષર બોલ્યા કે કોચ રિકી પોન્ટિંગએ કહ્યું કે અમારી પાસે બે વિકલ્પ છે. તમે વિચારી શકો છો કે અમે કોરોનાને કારણે વધારે પ્રેક્ટીસ કરી નથી, જે આપણા હાથમાં નથી અથવા આપણે આ મેચમાં પોતાનું બેસ્ટ પ્રદર્શન કરીએ. અક્ષર પટેલે વાત પૂરી કરતા કહ્યું કે શું ખબર કોણ પોઝીટીવ થઇ જાય. હર્ષા ભોગલે ફરી અક્ષર પટેલની વાત સાંભળીને હસવા લાગ્યા. 

🗣️"Man Of The Match main Axar ke saath share karna chahta hoon" - @imkuldeep18 🥺💙 #YehHaiNayiDilli | #IPL2022 | #DCvPBKS | @ACKOIndia#TATAIPL | #IPL | #DelhiCapitals pic.twitter.com/7blYtR7U3b

— Delhi Capitals (@DelhiCapitals) April 21, 2022

કુલદીપ યાદવે અક્ષર પટેલ સાથે શેર કર્યો એવોર્ડ 
અક્ષર પટેલ મેચનાં બેસ્ટ બોલર રહ્યા, પરંતુ તેમ છતાં પણ પ્લેયર ઓફ ધ મેચ કુલદીપ યાદવ બન્યા. જોકે એવોર્ડ સમારોહ દરમિયાન કુલદીપ યાદવે પોતાનો એવોર્ડ અક્ષર પટેલ સાથે શેર કર્યો. તેમણે કહ્યું કે અક્ષર પટેલ આ એવોર્ડના હકદાર છે. જણાવી દઈએ કે કુલદીપ યાદવે 4 ઓવરમાં 24 રન આપીને 2 વિકેટ લીધી હતી અને અક્ષરે માત્ર 10 રન આપીને 2 વિકેટ લીધી હતી, જેમાં તેમણે 14 ડોટ બોલ્સ પણ ફેંક્યા. જોકે કમેન્ટેટર કેવિન પીટરસને કુલદીપ યાદવને તેમના વેરીએશન્સ માટે મેં ઓફ ધ મેચનો એવોર્ડ આપ્યો હતો.