કટાક્ષ / મોંઘવારીનું ગણિત: અખિલેશ યાદવનો દાવો, પેટ્રોલના ભાવ થઈ જશે 275 રૂપિયા પ્રતિ લીટર

• અખિલેશ યાદવના ભાજપ પર પ્રહાર
• પેટ્રોલ ડીઝલના ભાવનું ગણિત જાહેર કર્યું
• પ્રતિ લીટરે આટલો ભાવ થવાનું અનુમાન

સમાજવાદી પાર્ટીના પ્રમુખ અખિલેશ યાદવે પેટ્રોલ અને ડીઝલના ભાવને લઈને કેન્દ્ર પર આકરાં પ્રહારો કર્યા છે. તેમણે કહ્યું છએ કે, આગામી ચૂંટણી સુધી પ્રતિ લિટર પેટ્રોલના ભાવ 275 રૂપિયા થઈ જશે. સાથે જ આ આંકડાને લઈને સમગ્ર ગણિત પણ સમજાવ્યું છે. ખાસ વાત એ છે કે, શનિવારે છેલ્લા 12 દિવસમાં 10મી વાર ઈંધણના ભાવમાં વધારો થયો છે. 

जनता कह रही है कि 80 पैसे प्रतिदिन या लगभग 24 रु. महीने के हिसाब से पेट्रोल के दाम यूँ ही बढ़ते रहे तो अगले जो चुनाव नवंबर-दिसंबर में होंगे, इस बीच 7 महीने में दाम लगभग 175 रु. बढ़ जाएंगे मतलब आज के 100 रु लीटर से बढ़कर पेट्रोल 275 रु. लीटर हो जाएगा।

ये है भाजपाई महंगाई का गणित!

— Akhilesh Yadav (@yadavakhilesh) April 2, 2022

અખિલેશ યાદવનું ગણિત

તેમણે ટ્વિટ કર્યું છે, જનતા કહી રહી છે કે, 80 પૈસા દરરોજ એટલે કે, લગભગ 24 રૂપિયા મહિનાના હિસાબે પેટ્રોલના ભાવ આવી રીતે જ વધતા રહ્યા તો, આગામી જે ચૂંટણી નવેમ્બર ડિસેમ્બરમાં થશે, તેની વચ્ચે સાત મહિનાના સમયમાં લગભગ 175 રૂપિયા વધી જશે. મતલબ આજના 100 રૂપિયા લિટર અને તેમાં 175 રૂપિયો વધારો થતાં તે 275 રૂપિયે પ્રતિ લિટર થઈ જશે. આ ભાજપાનું મોંઘવારીનું ગણિત છે. શનિવારે ડીઝલના ભાવ 100 રૂપિયાના આંકડા પાર કરી ગયા છે. 

સરકારનું શું કહેવું છે 

સરકાર સતત કહી રહી છે કે, કિંમતોના ભાવ વધી રહ્યા છે તેની પાછળ યુક્રેન યુદ્ધ જવાબદાર છે. રશિયા અને યુક્રેન વચ્ચે ચાલી રહેલા સંઘર્ષને લગભગ 5 અઠવાડીયા વિતી ચુક્યા છે. આ બાજૂ વિપક્ષનું કહેવુ છે કે, સરકાર ઈંધણની કિંમત વધારવા માટે ઉત્તર પ્રદેશ,મણિપુર, ગોવા, ઉત્તરાખંડ અને પંજાબમાં વિધાનસભા ચૂંટણી પુરી થવાની રાહ જોઈ રહી હતી. ભાજપે ચાર રાજ્યોમાં સફળતા મેળવી છે. જ્યારે આપ પાર્ટીએ એક રાજ્યમાં સફળતા મેળવી છે.