મોટું નિવેદન / 'અખિલેશ યાદવ નથી ઇચ્છતા કે આઝમ ખાન જેલમાંથી બહાર આવે', સપા અધ્યક્ષ પર મીડિયા પ્રભારીના પ્રહાર

• આઝમ ખાનના મીડિયા પ્રભારીએ અખિલેશ વિરૂદ્ધ મોરચો ખોલ્યો
• ફસાહત અલીએ CM યોગીના નિવેદનની રજૂઆત કરીને લગાવ્યો આરોપ
• અખિલેશ નથી ઈચ્છતા કે આઝમ ખાન જેલમાંથી બહાર આવે : ફસાહત અલી ખાં શાનુ

સમાજવાદી પાર્ટીના નેતા આઝમ ખાનના મીડિયા પ્રભારીએ સપાના રાષ્ટ્રીય અધ્યક્ષ અખિલેશ યાદવને સવાલોના વર્તુળમાં ઊભા કરી દીધા છે. આઝમ ખાનના મીડિયા પ્રભારી ફસાહત અલી ખાં શાનૂએ આરોપ લગાવ્યો છે કે, અખિલેશ યાદવ નથી ઈચ્છતા કે આઝમ ખાન જેલમાંથી બહાર આવે. ફસાહત અલીએ આ આરોપ સીએમ યોગીના નિવેદનને યોગ્ય ઠેરવતા લગાવ્યા છે.

આઝમ ખાનના મીડિયા પ્રભારીનો સવાલ

આઝમ ખાનના મીડિયા પ્રભારી ફસાહત અલી ખાં શાનુએ એક મીટિંગને સંબોધિત કરતા કહ્યું હતું કે, 'શું એવું માનવું જોઈએ કે મુખ્યમંત્રી યોગી આદિત્યનાથ સાચું કહે છે કે અખિલેશ નથી ઈચ્છતા કે આઝમ ખાન જેલમાંથી બહાર આવે.'

ફસાહત અલીએ કહ્યું કે, 'જેલમાં બંધ આઝમ ખાં જેલમાંથી બહાર ન આવવાના કારણે અમે રાજકીય અનાથ બની ગયા છીએ. અમે ક્યાં જઈશું, કોને કહીશું અને મારું દુ:ખ કોને કહીશું. અમારી સાથે તે સમાજવાદી પાર્ટી પણ નથી, જેના માટે અમે અમારા લોહીનું એક-એક ટીપું વહાવી દીધું છે. અમારા નેતા મોહમ્મદ આઝમ ખાંએ સપા માટે પોતાની જીંદગી આપી દીધી છે, પરંતુ સપાએ આઝમ ખાન માટે કંઈ કર્યું નહીં. અમારા રાષ્ટ્રીય અધ્યક્ષને અમારા કપડામાંથી દુર્ગંધ આવે છે. તેઓએ મુસ્લિમ સમુદાયનો ઉલ્લેખ કરતા જણાવ્યું કે, શું બધો ઠેકો 'અબ્દુલ' (મુસ્લિમ મતદાર) એ લઈ લીધો છે, વોટ પણ અબ્દુલ આપશે અને જેલમાં પણ અબ્દુલ જશે.

CM Yogi’s comment was right that Akhilesh Yadav doesn’t want Azam Khan to be out (of jail). We made you&Mulayam Yadav UP CM but you didn't make Azam Khan as leader of Opposition. You only went once to meet him in the jail: Azam Khan's media in-charge Fasahat Ali Khan Sanu (10.04) pic.twitter.com/DoyoXMen0x

— ANI UP/Uttarakhand (@ANINewsUP) April 11, 2022

આઝમ ખાન હજુ જેલમાં બંધ છે

આઝમ ખાન હજુ જેલમાં બંધ છે. આઝમ ખાન સપાની ટિકિટ પર રામપુરથી વિધાનસભા ચૂંટણી લડ્યા હતાં. તેઓએ ચૂંટણીમાં જીત હાંસલ કરી. જો કે, તેઓ રામપુરથી સાંસદ પણ હતાં. એવામાં આઝમ ખાને અખિલેશ યાદવ સાથે લોકસભાનું રાજીનામું આપીને લખનઉની રાજનીતિ કરવાનો નિર્ણય કર્યો.