સમાજવાદી પાર્ટીએ આજે BJPના જનપ્રતિનિધિઓનો વીડિયો જાહેર કરીને ભાજપ પર નિશાન સાધ્યું છે. આ વીડિયોમાં એક ધારાસભ્ય મોબાઈલમાં ગેમ રમતા જોવા મળી રહ્યા છે.
ઉત્તર પ્રદેશ વિધાનસભાનું ચોમાસું સત્ર પૂર્ણ
BJPના જનપ્રતિનિધિ વિડીયો ગેમ રમતા જોવા મળ્યા
વિડીયોને લઈને અખિલેશ યાદવે BJP પર નિશાન સાધ્યું
ઉત્તર પ્રદેશ વિધાનસભાનું ચોમાસું સત્ર પૂર્ણ થઇ ચુક્યું છે. આ દરમિયાન સમાજવાદી પાર્ટીએ આજે BJPના જનપ્રતિનિધિઓનો વીડિયો જાહેર કરીને ભાજપ પર નિશાન સાધ્યું છે. આ વીડિયોમાં એક ધારાસભ્ય મોબાઈલમાં ગેમ રમતા જોવા મળી રહ્યા છે, જ્યારે બીજો રજનીગંધા અને તુલસી ઝરદાને મિક્સ કરી રહ્યો છે. અખિલેશ યાદવે ભાજપ પર કટાક્ષ કરતા કહ્યું કે 'યુપી વિધાનસભાના સત્રમાં ભાજપના ધારાસભ્યો પત્તા રમી રહ્યા છે અને રાજ્યને બરબાદ કરી રહ્યા છે. આ વીડિયોને પાછળથી બનાવીને વાયરલ કરીને જનહિતનું કામ કરનારા ભાજપના તે ધારાસભ્યોનો આભાર. હવે જોવાનું એ રહ્યું કે મુખ્યમંત્રી આ મા.વિધાયક પર નૈતિક બુલડોઝર ક્યારે ચલાવશો?
અખિલેશ યાદવે ટ્વિટ કરીને નિશાન સાધ્યુ
સમાજવાદી પાર્ટીએ ટ્વિટ કરીને કહ્યું છે કે મહોબાના ભાજપના ધારાસભ્ય સદનમાં મોબાઈલ પર વીડિયો ગેમ રમી રહ્યા હતા. એટલું જ નહીં ઝાંસીના ભાજપના ધારાસભ્ય રજનીગંધા સાથે તમાકુ ખાતા હતા. એસપીએ કહ્યું કે, આ લોકો પાસે જનતાના મુદ્દાઓના જવાબ નથી અને તેઓ ગૃહને પોતાનો મનોરંજનનો આધાર બનાવી રહ્યા છે. આ ધારાસભ્યોનું આ કૃત્ય અત્યંત નિંદનીય અને શરમજનક છે.
भाजपाई विधायक उप्र विधानसभा के सत्र में खेल रहे हैं ताश और कर रहे हैं प्रदेश का नाश।
भाजपा के उन विधायक जी को धन्यवाद जिन्होंने पीछे से ये वीडियो बनाकर व वाइरल कर जनहित का काम किया।
अब देखना ये है कि मुख्यमंत्री जी इन मा. विधायकजी पर ‘नैतिक बुलडोज़र’ कब चलाएँगे?#भार_बन_गयी_भाजपाpic.twitter.com/qYU9vFiYOw
અખિલેશ યાદવની આગેવાનીમાં સપાના ધારાસભ્યોએ વોકઆઉટ કર્યું
મહત્વનું છે કે, સમાજવાદી પાર્ટીએ વિધાનસભાના ચોમાસુ સત્રના પહેલા દિવસથી જ વિરોધ શરૂ કરી દીધો હતો. આ પછી, સરકાર સતત કોઈને કોઈ મુદ્દે ઘેરાયેલી રહેતી હતી. શુક્રવારે છેલ્લા દિવસે વિપક્ષના નેતા અખિલેશ યાદવની આગેવાનીમાં સપાના ધારાસભ્યોએ ધાર્યો પ્રતિસાદ ન મળ્યો હોવાનો આક્ષેપ કરીને વોકઆઉટ કર્યું હતું. ત્યારબાદ બીજા સત્રને અનિશ્ચિત સમય માટે મુલતવી રાખવામાં આવ્યું હતું. ગુરૂવારે વિધાનસભા સત્ર દરમિયાન યુપીના મુખ્યમંત્રી યોગી આદિત્યનાથે સપા પ્રમુખ અખિલેશ યાદવ પર જોરદાર નિશાન સાધ્યું હતું.