ચૂંટણી / અખિલેશ યાદવે 300થી વધુ EVM ખરાબ હોવાનો લગાવ્યો આરોપ

ઈવીએમને લઈને ફરી એક વાર વિવાદ સામે આવ્યો છે. ત્રીજા તબક્કાના મતદાન દરમિયાન યૂપીના રામપુરમાં 300થી વધુ ઈવીએમ મશીન ખરાબ થયા હોવાની ફરિયાદ સામે આવી છે. આ ફિરયાદ રામપુરથી સપાના ઉમેદવાર આઝમ ખાનના દીકરા અબ્દુલ્લાએ કરી હતી.

ત્યારબાદ અખિલેશ યાદવે પણ ઈવીએમ પર સવાલો ઉઠાવ્યા છે. અખિલેશ યાદવે ટ્વીટ કરીને કહ્યું કે, સમગ્ર દેશમાં ઈવીએમ ખરાબ કે પછી ભાજપ માટે મતદાન. ડીએમનું કહેવું છે કે, ઈવીએમ સંચાલન માટે મતદાન અધિકારી અપ્રશિક્ષિત છે. 350થી વધુ ઈવીએમ બદલવામાં આવ્યા છે. 
 
આ એક ગુનાહિત બેજવાબદારી છે. શું આપણે ડીએમ પર વિશ્વાસ કવો જોઈએ કે પછી બીજો કોઈ ડર છે. આ પહેલા અબ્દુલ્લા આઝમ ખાને 300થી વધી ઈવીએમ ખરાબ હોવાની ફરિયાદ કરી હતી. એટલું જ નહીં પોલીસ વોટર્સને ડરાવી રહી છે અને ધમકાવી રહી હોવાનો પણ આરોપ લગાવવામાં આવ્યો હતો.