પાર્ટીમાં પરિવારવાદ / યુપીમાં અખિલેશે કાકા શિવપાલને આપી મોટી જવાબદારી, ભાજપમાંથી આવેલા સ્વામીપ્રસાદને પણ 'પ્રસાદી'

• સમાજવાદી પાર્ટીની રાષ્ટ્રીય કાર્યકારિણીની જાહેરાત
• શિવપાલ યાદવને સપાની કાર્યકારી સમિતિમાં સ્થાન મળ્યું
• અખિલેશ યાદવની નવી ટીમ 2024ની લોકસભા ચૂંટણીની તૈયારીમાં લાગી 

ઉત્તર પ્રદેશની રાજધાની લખનૌમાં રવિવારે સમાજવાદી પાર્ટીની રાષ્ટ્રીય કાર્યકારિણીની જાહેરાત કરવામાં આવી છે. વિગતો મુજબ સમાજવાદી પાર્ટીની રાષ્ટ્રીય કાર્યકારિણીમાં શિવપાલ યાદવને સપાની કાર્યકારી સમિતિમાં સ્થાન મળ્યું. આ સાથે પાર્ટીએ હાલમાં જ રામચરિત માનસ પર નિવેદન આપીને વિવાદમાં આવેલા આઝમ ખાન અને સ્વામી પ્રસાદ મૌર્યને પણ કાર્યકારી સમિતિમાં સામેલ કર્યા છે.  

અખિલેશ યાદવની નવી ટીમ 
લખનૌમાં આજે સમાજવાદી પાર્ટીએ 62 સભ્યોની નવી કાર્યકારિણી જાહેર કરી છે. જ્યાં સપાના રાષ્ટ્રીય અધ્યક્ષ અખિલેશ યાદવે પોતાની નવી ટીમ જાહેર કરી છે. 2022ની વિધાનસભા ચૂંટણીમાં હાર બાદ સપાએ તેની કારોબારી ભંગ કરી દીધી હતી. જોકે શિવપાલની સાથે સ્વામી પ્રસાદ મૌર્યને પણ નવી કાર્યકારિણીમાં સ્થાન મળ્યું છે. જ્યારે કિરણમોય નંદાને રાષ્ટ્રીય ઉપાધ્યક્ષ અને રામ ગોપાલ યાદવને રાષ્ટ્રીય મુખ્ય મહાસચિવ બનાવવામાં આવ્યા છે. અખિલેશ યાદવ આ ટીમ સાથે 2024ની લોકસભા ચૂંટણી લડશે.

समाजवादी पार्टी की राष्ट्रीय कार्यकारिणी के नवनिर्वाचित/मनोनीत पदाधिकारियों व सदस्यों की सूची। pic.twitter.com/Bs7YrfrAvN

— Samajwadi Party (@samajwadiparty) January 29, 2023

કારોબારીમાં આ નેતાઓનું વર્ચસ્વ
વિગતો મુજબ સમાજવાદી પાર્ટીની રાષ્ટ્રીય કાર્યકારિણીમાં પછાત જાતિના નેતાઓનું વર્ચસ્વ જોવા મળ્યું છે, જેમાં લગભગ 80 ટકા નેતાઓ પછાત જાતિના છે. આઝમ ખાન સહિત 9 લઘુમતી ચહેરાઓને પણ કાર્યકારિણીમાં સ્થાન મળ્યું છે. આ દરમિયાન પૂર્વ ધારાસભ્ય પવન પાંડે સહિત 4 બ્રાહ્મણોને પણ સ્થાન મળ્યું છે. આ સાથે સુદીપ રંજન સેનને રાષ્ટ્રીય ખજાનચી બનાવવામાં આવ્યા છે, જ્યારે જયા બચ્ચન, રામગોવિંદ ચૌધરી, અબુ અસીમ આઝમી, ચંદ્રપાલ સિંહ યાદવ અને જાવેદ અલી ખાનને સભ્યોની જવાબદારી સોંપવામાં આવી છે.

2024ની લોકસભા ચૂંટણીની તૈયારીમાં SP 
મૈનપુરી લોકસભા ચૂંટણી દરમિયાન શિવપાલ યાદવ અને અખિલેશ યાદવ પોતાની ફરિયાદો ભૂલીને સાથે આવ્યા છે. આવી સ્થિતિમાં શિવપાલે પોતાની પાર્ટી પ્રોગ્રેસિવ સમાજવાદી પાર્ટીનું સપામાં વિલય કરી દીધું છે. જોકે અન્ય પક્ષોમાં આ અંગે અટકળો ચાલી રહી હતી. સાથે એવી પણ ચર્ચા હતી કે, શિવપાલ યાદવ પાર્ટીમાં અખિલેશને મોટી જવાબદારી આપશે. હાલ SP આગામી 2024ની તૈયારીઓમાં વ્યસ્ત છે.