કાર્યવાહી / CM ના નજીક ગણાતા વ્યક્તિના ત્યાંથી મળી AK-47, ઝારખંડમાં એકસાથે 17 સ્થળો પર EDની રેડ 

• ઝારખંડમાં ગેરકાયદેસર ખાણકામમાં મની લોન્ડરિંગ કેસમાં 17 સ્થળોએ EDના દરોડા
• કથિત રીતે CM હેમંત સોરેનની નજીકના માણસ ગણાય છે પ્રેમ પ્રકાશ 
• પ્રેમ પ્રકાશને ત્યાં દરોડા દરમ્યાન EDને બે AK 47 રાઈફલ મળી આવી 

એન્ફોર્સમેન્ટ ડિરેક્ટોરેટ EDએ ઝારખંડમાં ગેરકાયદેસર ખાણકામમાં મની લોન્ડરિંગના સંબંધમાં 17 સ્થળોએ દરોડા પાડ્યા હતા. વિગતો મુજબ પ્રેમ પ્રકાશ સાથે જોડાયેલા સ્થળો પર આ દરોડા પાડવામાં આવ્યા છે. દરોડા દરમ્યાન EDને બે AK 47 રાઈફલ મળી આવી છે. જોકે કથિત રીતે પ્રેમ પ્રકાશ ઝારખંડના મુખ્યમંત્રી હેમંત સોરેનની નજીક હોવાનું કહેવાય છે.

સીબીઆઈએ આજે બિહારમાં આરજેડીના ઘણા નેતાઓના સ્થળો પર દરોડા પાડ્યા છે. આ દરમ્યાન એન્ફોર્સમેન્ટ ડિરેક્ટોરેટ (ED) પણ સક્રિય થઈ ગયું છે. ગેરકાયદે માઇનિંગમાં મની લોન્ડરિંગના સંબંધમાં EDએ ઝારખંડમાં 17-20 સ્થળો પર દરોડા પાડ્યા છે. ઝારખંડના સીએમ હેમંત સોરેનના એમએલએના પ્રતિનિધિ પંકજ મિશ્રા અને બચ્ચુ યાદવની પૂછપરછ કર્યા બાદ EDએ આ દરોડા પાડ્યા હતા. 

મહત્વનું છે કે, થોડા સમય પહેલા ED દ્વારા બંનેની ધરપકડ કરવામાં આવી હતી.ઇડીએ માર્ચમાં પીએમએલએ એક્ટ હેઠળ મિશ્રા અને અન્યો સામે કેસ નોંધીને દરોડા પાડવાની શરૂઆત કરી હતી. 

ED has recovered AK 47 from the premises of middleman Prem Prakash: Sources

Raids are underway at multiple locations in Ranchi (Jharkhand) in an ongoing investigation in connection with illegal mining and extortion. pic.twitter.com/RFlIxcnOkN

— ANI (@ANI) August 24, 2022

બિહારમાં 24 સ્થળો પર દરોડા 

કેન્દ્રીય તપાસ એજન્સી CBIએ બિહારમાં 24 સ્થળો પર દરોડા પાડ્યા છે. કહેવામાં આવી રહ્યું છે કે, સીબીઆઈએ નોકરીના બદલામાં જમીન મામલે આ કાર્યવાહી કરી છે. સીબીઆઈએ જે સ્થળો પર દરોડા પાડ્યા છે તેમાં આરજેડી એમએલસી સુનિલ સિંહ, પૂર્વ આરજેડી એમએલસી સુબોધ રોય, રાજ્યસભા સાંસદ અશફાક કરીમ અને ફયાઝ અહેમદના ઠેકાણાઓનો સમાવેશ થાય છે.

ફ્લોર ટેસ્ટ પહેલા સ્પીકરે રાજીનામું 

બિહારમાં આરજેડી નેતાઓ પર સીબીઆઈના દરોડા એવા સમયે આવ્યા જ્યારે બુધવારે વિધાનસભામાં ફ્લોર ટેસ્ટ પહેલા સ્પીકરે રાજીનામું આપી દીધું છે. આવી સ્થિતિમાં આરજેડીએ કેન્દ્રમાં સત્તારૂઢ ભાજપ પર નિશાન સાધતા તેને બદલાની કાર્યવાહી ગણાવી છે. આરજેડીના રાજ્યસભા સાંસદ મનોજ ઝાને કહ્યું છે કે, દરોડા દરમ્યાન આરજેડી એમએલસી સુનીલ સિંહે કહ્યું હતું કે તે જાણી જોઈને કરવામાં આવી રહ્યું છે. તેનો કોઈ અર્થ નથી. તેઓ તપાસ એજન્સીઓનો ઉપયોગ એ વિચારીને કરી રહ્યા છે કે ડરથી ધારાસભ્યો તેમના પક્ષમાં આવશે. પણ અમે ગભરાઈશું નહિ.