મહારાષ્ટ્ર વિધાનસભા ચૂંટણી બાદ NCP નેતા શરદ પવારને ભલે કિંગ મેકર કહેવામાં આવતા હોય, પરંતુ સાચા કિંગ મેકર શરદ પવારના ભત્રીજા અજીત પવાર સાબિત થયાં છે. શરદ પવાર શિવસેના અને કોંગ્રેસની સાથે મળીન સરકાર બનાવવાનો પ્લાન ભલે કરી રહ્યા અને અજીત પવારે NCP ને તોડીને ભાજપ સાથે મળીને સરકાર બનાવી લીધી. મુંબઇમાં શનિવારની સવાર લોકો હજી જાગ્યા પણ નહોંતા અને દેવેન્દ્ર ફડણવીસે મુખ્યમંત્રી તરીકે અને અજીત પવારે નાયબ મુખ્યમંત્રી પદના શપથ લીધા હતા.
શરદ પવારના પગલે ચાલ્યા અજીત પવાર
મહારાષ્ટ્રની રાજનીતિના બન્યા કિંગ મેકર
નાયબ મુખ્યમંત્રી પદે લીધા સપથ
આવી સ્થિતિમાં, અમે કહીએ છીએ કે મહારાષ્ટ્રની સત્તાના કિંગમેકર કોણ છે, અજિત પવાર અને આજના રાજકારણમાં કેવી રીતે બેતાજ બાદશાહ તરીકે ઉભરી આવ્યા છે. અજિત પવારનો જન્મ 22 જુલાઈ 1959 ના રોજ મહારાષ્ટ્રના અહેમદનગર જિલ્લામાં થયો હતો. અજિત પવાર એનસીપી પ્રમુખ શરદ પવારના મોટા ભાઈ અનંતરાવ પવારના પુત્ર છે.
કાકાને પગલે રાજનીતિમાં આવ્યા અજીત પવાર
અજિત પવાર પોતાના કાકાના પગલે રાજકારણમાં આવ્યા હતા. શરદ પવારની આંગળી પકડીને રાજકારણની એબીસીડી શીખી. શરદ પવારની સાથે અજિત પવાર પણ કોંગ્રેસથી છૂટા પડ્યા અને એનસીપીની રચના કરી. આ વખતે મહારાષ્ટ્ર વિધાનસભાની ચૂંટણીમાં બારામાતી બેઠક પરથી સાતમી વખત ધારાસભ્યો ચૂંટાયા છે.
અજિત પવારની રાજકીય સફર
અજિત પવારે 1982 માં રાજકીય ઇનિંગ્સની શરૂઆત કરી હતી. તે સમયે, તેઓ માત્ર 20 વર્ષના હતા. તેમણે સુગર કોઓપરેટિવ માટે લડ્યા અને બાદમાં પુણે ડિસ્ટ્રિક્ટ કોઓપરેટિવ બેંકના અધ્યક્ષ બન્યા. અજિત પવાર 1991 માં બારામતી સસંદી મતવિસ્તારથી લોકસભા માટે ચૂંટાયા હતા, પરંતુ તેમના કાકા શરદ પવાર માટે બેઠક ખાલી કરી હતી. આ પછી, તેઓ તેમના કાકાની વિધાનસભા બેઠક પરથી ધારાસભ્ય તરીકે ચૂંટાયા.
1992 માં પ્રથમ વખત બન્યા સરકારમાં પ્રધાન
નોંધનીય છે કે, 1992 માં પ્રથમ વખત અજિત પવાર મહારાષ્ટ્ર સરકારમાં પ્રધાન બન્યા હતા. આ રીતે મહારાષ્ટ્રના રાજકારણમાં અજિત પવાર ધીરે ધીરે એક મોટું નામ બન્યું હતું. આ પછી, અજિત પવારે પાછળ જોયું નહીં અને એક પછી એક ચૂંટણી જીતતા આગળ વધ્યા. તેઓ 2010 માં મહારાષ્ટ્રના ડેપ્યુટી સીએમ બન્યા અને 2014 સુધી રહ્યા અને હવે ફરી એક વખત નાયબ મુખ્યમંત્રીનો તાજ સજાવી રહ્યા છે. જો કે, તેના પર ભ્રષ્ટાચારનો પણ આરોપ છે અને તેની તપાસ ચાલી રહી છે.