મહારાષ્ટ્ર / VIDEO : અજિત પવારને સવાર-સાંજ શપથ લેવાનો અનુભવ છે, શિંદેની મજાક પર હાસ્યના ફૂવારા

મહારાષ્ટ્રમાં સરકાર રચવાનો દાવો કર્યા બાદ દેવેન્દ્ર ફડણવીસ, એકનાથ શિંદે અને અજિત પવારે બુધવારે એક સંયુક્ત પત્રકાર પરિષદ યોજી હતી. જેમાં શપથ ગ્રહણની માહિતીની સાથે હળવી મજાક પણ કરાઈ હતી. વાતવાતમાં શિંદેએ અજિત પવાર પર કરેલી કોમેન્ટથી હાસ્યના ફૂવારા છૂટ્યાં હતા.

દાદાને સવાર-સાંજ શપથ લેવાનો અનુભવ

પત્રકાર પરિષદમાં પત્રકારે પૂછ્યું કે શું અજિત પવાર અને એકનાથ શિંદે પણ આવતીકાલે ડેપ્યુટી સીએમ તરીકે શપથ લેશે. આના પર શિંદેએ કહ્યું, 'અરે, ફડણવીસે મને હવે કહ્યું, મેં તમને સાંજ સુધી રાહ જોવાનું કહ્યું હતું અને પછી હું તમને કહીશ.' શિંદે બોલી રહ્યા હતા ત્યારે અજિત પવારે અટકાવ્યા અને કહ્યું, 'શિંદે ક્યારે શપથ લેશે તે સાંજ સુધીમા ખબર પડી જશે પરંતુ હું તો આવતીકાલે શપથ લેવાનો છું. આના પર શિંદેએ કહ્યું કે દાદાને તો સવાર-સાંજ શપથ લેવાનો અનુભવ છે, શિંદેની આ વાત પર હાસ્યના ફૂવારા છૂટ્યાં હતા અને તમામ નેતાઓ છૂટથી હસતાં જોવા મળ્યાં હતા.

એકનાથ શિંદેએ કઈ ઘટનાનો ઉલ્લેખ કર્યો

2019માં મહારાષ્ટ્ર વિધાનસભાની 288 બેઠકો માટે ચૂંટણી યોજાઈ હતી અને પરિણામ 24 ઓક્ટોબરે આવ્યા હતા. કોઈપણ પક્ષ અથવા ગઠબંધન દ્વારા સરકાર બનાવવાનો દાવો ન કરવાને કારણે 12 નવેમ્બરે રાજ્યમાં રાષ્ટ્રપતિ શાસન લાદવામાં આવ્યું હતું. શિવસેનાએ પણ મુખ્યમંત્રી પદની માંગને લઈને ભાજપ સાથેનું 30 વર્ષ જૂનું ગઠબંધન તોડી નાખ્યું હતું. ત્યારબાદ ચૂંટણી પરિણામો આવ્યા બાદ અજિત પવાર અને દેવેન્દ્ર ફડણવીસે સવારે 8 વાગ્યા પહેલા જ શપથ લીધા હતા. જેમાં દેવેન્દ્ર ફડણવીસ સીએમ અને અજિત પવાર ડેપ્યુટી સીએમ બની રહ્યા હતા. આ બધા માટે આઘાતજનક હતું કારણ કે તે સમયે શિવસેના, કોંગ્રેસ અને એનસીપીએ સાથે મળીને ચૂંટણી લડી હતી. પરંતુ આ પક્ષો મુખ્યમંત્રી પદ અંગે નિર્ણય લઈ શક્યા ન હતા. દરમિયાન, એનસીપીના અજિત પવારે દેવેન્દ્ર ફડણવીસ એટલે કે ભાજપ સાથે શપથ લીધા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ