જમ્મુ-કાશ્મીરમાં કલમ 370 હટાવ્યા બાદ રાષ્ટ્રીય સુરક્ષા સલાહકાર (NSA) અજીત ડોભાલ શોપિયાં પહોંચ્યાં. ત્યાં અજીત ડોભાલે લોકો સાથે મુલાકાત કરી. આ સિવાય તેઓએ લોકો સાથે ખાવાનું પણ ખાધું. NSA જમ્મુ-કાશ્મીરની કલમ 370 હટાવ્યા બાદ શોપિયાંની મુલાકાતે પહોંચ્યાં છે. તેમણે અલગ-અલગ વિસ્તારોમાં સુરક્ષા વ્યવસ્થાનું નિરીક્ષણ કર્યું.
Jammu and Kashmir: National Security Advisor Ajit Doval interacts with locals in Shopian, has lunch with them. pic.twitter.com/mRysjmkLrA
શોપિયાંમાં સામાન્ય લોકોની સાથે ભોજન કર્યા બાદ ડોભાલ (Ajit Doval) ત્યાંના પોલીસ અધિકારીઓને મળ્યાં. તેમની સાથે ડીજીપી દિલબાગ સિંહ પણ હાજર હતાં. પોલીસ અધિકારીઓ સાથે મુલાકાત બાદ અજીત ડોભાલે સુરક્ષા બળનાં જવાનો સાથે પણ મુલાકાત કરી અને સુરક્ષા વિશે માહિતી મેળવી. જમ્મુ-કાશ્મીર (jammu kashmir) થી કલમ 370 હટાવ્યા બાદ અજીત ડોભાલની આ એવી પહેલી યાત્રા છે. ડોભાલની યાત્રા પહેલા મંગળવારનાં રોજ રાજ્યપાલ સત્યપાલ મલિકે પણ સુરક્ષા વ્યવસ્થાનું અધ્યયન કર્યુ.
#WATCH Jammu and Kashmir: National Security Advisor Ajit Doval interacts with locals in Shopian, has lunch with them. pic.twitter.com/zPBNW1ZX9k
આ પહેલા સોમવારનાં રોજ દિલ્હીમાં પ્રધાનમંત્રી નરેન્દ્ર મોદીનાં આવાસ પર લગભગ એક કલાક સુધી સુરક્ષા મામલાઓની મંત્રિમંડળની સમિતિ (સીસીએસ)ની બેઠક ચાલી હતી કે જેમાં જમ્મુ-કાશ્મીરના અલગ-અલગ મુદ્દાઓ પર ચર્ચા કરવામાં આવી. ઉચ્ચસ્તરીય બેઠકમાં પ્રધાનમંત્રી મોદી, કેન્દ્રીય ગૃહમંત્રી અમિત શાહ અને રાષ્ટ્રીય સુરક્ષા સલાહકાર અજીત ડોભાલ પણ હાજર હતાં. સીસીએસ બેઠક લગભગ 40 મિનીટ ચાલી અને આ બેઠકમાં નાણાંમંત્રી નિર્મલા સીતારમણ, વિદેશમંત્રી એસ. જયશંકર અને રક્ષામંત્રી રાજનાથ સિંહ પણ હાજર રહ્યાં.