મનોરંજન / ભૂલ ભૂલૈયા 3 પર ભારે પડી સિંઘમ અગેઇન, બંને ફિલ્મોએ 100 કરોડનો આંકડો કર્યો પાર

દિવાળી પર બે ફિલ્મો રીલીઝ થઈ છે, એક છે કાર્તિક આર્યનની ફિલ્મ 'ભૂલ ભુલૈયા 3' અને બીજી છે અજય દેવગનની 'સિંઘમ અગેઇન'. એવું માનવામાં આવતું હતું કે બંને ફિલ્મને દિવાળીના વીકએન્ડને કારણે તેને બમ્પર ઓપનિંગ મળશે અને એવું જ થયું.

હવે બંને ફિલ્મોની રિલીઝને 3 દિવસ થઈ ગયા છે, એટલે કે વિકેન્ડ પૂરું થઈ ગયું છે અને જોરદાર નફો કરતાં બંને ફિલ્મોએ 100 કરોડની કમાણીનો આંકડો પાર કરી લીધો છે. જો કે કમાણીના મામલામાં અજય દેવગનની ફિલ્મ કાર્તિક આર્યન કરતા ઘણી આગળ નીકળી ગઈ છે. રવિવારે બંને ફિલ્મોએ કેટલી કમાણી કરી છે ચાલો એ જાણીએ.

'સિંઘમ અગેઇન'એ 2 દિવસમાં બોક્સ ઓફિસ પર સારું પ્રદર્શન કર્યું હતું અને ભારતમાં અંદાજિત 86 કરોડ રૂપિયાની કમાણી કરી હતી. ત્રીજા દિવસે ફિલ્મે અંદાજે 35 કરોડ રૂપિયાની કમાણી કરી છે, એટલે કે અત્યાર સુધીમાં કુલ આંકડો 121 કરોડ રૂપિયા છે.

અજય દેવગનની મલ્ટી સ્ટારર એક્શન ફિલ્મ 'સિંઘમ અગેન' તેની કોપ યુનિવર્સની પાંચમી ફિલ્મ છે અને આ ફિલ્મમાં જૂની ફિલ્મોમાં જોવા મળતા તમામ સ્ટાર્સ એકસાથે જોવા મળે છે. ફિલ્મમાં અજય ઉપરાંત અક્ષય કુમાર, રણવીર સિંહ, કરીના કપૂર, દીપિકા પાદુકોણ, ટાઈગર શ્રોફ અને અર્જુન કપૂર પણ જોવા મળશે. આ સિવાય સલમાન ખાનની 'ચુલબુલ પાંડે' પણ ફિલ્મમાં જબરદસ્ત કેમિયો છે.

વધુ વાંચો: કૃતિ સેનનું સેટ થઈ ગયું! કરોડપતિ બિઝનેસમેનને કરી રહી છે ડેટ, સાથે ઉજવી દિવાળી, જુઓ તસવીરો

જો ભૂલ ભુલૈયા 3 ફિલ્મની કમાણીની વાત કરીએ તો ફિલ્મે પહેલા દિવસે બોક્સ ઓફિસ પર 35.50 કરોડની કમાણી કરી હતી. બીજા દિવસે, કાર્તિકની ફિલ્મે 36 થી 37 કરોડ રૂપિયાની કમાણી કરી હતી. 'ભૂલ ભૂલૈયા 3'નું ત્રીજા દિવસનું બોક્સ ઓફિસ કલેક્શન પણ લગભગ 33.5 કરોડ રૂપિયા રહ્યું છે, જો આપણે કુલ કલેક્શન પર નજર કરીએ તો તે 106 કરોડની નજીક છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ