કોરોના વાયરસના સંક્રમણને ફેલાવતા રોકવા માટે ડોક્ટર્સ, નર્સ, પોલીસ સહિતના અનેક લોકો સતત કામ કરી રહ્યાં છે અને પોતાનો જીવ જોખમમાં મૂકી રહ્યા છે. ડોક્ટર્સ અને નર્સ કંઈપણ વિચાર્યા વિના રાત-દિવસ કોરોના વાયરસથી સંક્રમિત લોકોના ઈલાજમાં લાગેલા છે, પરંતુ ઘણાં લોકો મેડિકલ સ્ટાફની આ સેવાના બદલે તેની સાથે ખરાબ વ્યવહાર કરી રહ્યાં છે. જેના ઘણાં વીડિયો સોશિયલ મીડિયા પર વાયરલ થઈ રહ્યાં છે. જેના કારણે અજય દેવગન પોતાનો ગુસ્સો રોકી ન શક્યો અને આવી વાત કહી નાખી.
હકીકતમાં સોશિયલ મીડિયા પર મેડિકલ સ્ટાફ સાથે ખરાબ વ્યવહાર કરતા, પાડોશીઓ ડોક્ટરોને અભદ્ર શબ્દો કહેતા વીડિયો વાયરલ થઈ રહ્યાં છે. જેથી તેના પર બોલિવૂડ સ્ટાર અજય દેવગનની પ્રતિક્રિયા સામે આવી છે. અજયે ટ્વિટ કરીને આવા લોકોનો ઉધડો લીધો છે.
DISGUSTED & ANGRY to read reports of “educated” persons attacking doctors in their neighbourhood on baseless assumptions. Such insensitive people are the worst criminals😡#StaySafeStayHome#IndiaFightsCorona
અજય દેવગને મેડિકલ સ્ટાફ સાથે ખરાબ વ્યવહાર કરતાં લોકોને આડે હાથ લેતા કહ્યું- મને બહુ જ ગુસ્સો આવી રહ્યો છે. એવી રિપોર્ટ જોઈને જેમાં એજ્યુકેટેડ લોકો આધારહીન માન્યતાઓને કારણે પાડોશમાં રહેતાં મેડિકલ સ્ટાફ પર એટેક કરી રહ્યાં છે. આ ખૂબ જ અસંવેદનશીલ છે. આવા લોકો સૌથી મોટા ગુનેગાર છે.
અજય દેવગનની આ ટ્વિટ ખૂબ વાયરલ થઈ રહી છે અને લોકો તેના પર પોતાની પ્રતિક્રિયા પણ આપી રહ્યાં છે. ઉલ્લેખનીય છે કે, મેડિકલ સ્ટાફ સાથે ખરાબ વ્યવહાર કરતાં ઘણાં વીડિયો વાયરલ થઈ રહ્યાં છે. જેના કારણે પીએમ મોદીએ પણ દેશને સંબોધિત કરતી વખતે કહ્યું હતું કે, જે લોકો ડોક્ટર્સ અને નર્સ સાથે ખરાબ વ્યવહાર કરશે તેમના પર કડક કાર્યવાહી કરવામાં આવશે.