બોલિવુડ / મા બનવાની છે અજય દેવગનની ઓનસ્ક્રિન દીકરી, બેબી બંપ સાથે જોવા મળી ઇશિતા- જુઓ વાયરલ વીડિયો

• ઇશિતા- વત્સલ લગ્નના 6 વર્ષ પછી બનશે પેરેન્ટ્સ 
• ફેન્સે કરવાચૌથ પર પણ આપી હતી શુભેચ્છા 
• વર્ષ 2023 ઇશિતા માટે શુભ રહ્યુ

બોલિવુડ એક્ટર અજય દેવગનની સુપર હિટ ફિલ્મ દ્રશ્યમ અને દ્રશ્યમ 2માં રોલ નિભાવી ચૂકેલી એક્ટ્રેસ ઇશિતા દત્તાના ઘરે ખુશીઓનું આગમન થવા જઇ રહ્યું છે. જો કે ઇશિતાએ ખુદ આ વાતને સ્વીકારી નથી કે પોતાની પ્રેગ્નેન્સી સાથે જોડાયેલી કોઇ પોસ્ટ પણ શેર કરી નથી. પરંતુ તાજેતરમાં જ ઇશિતાનો એક વીડિયો વાયરલ થયો છે, જેમાં બેબી બંપ દેખાઇ રહ્યો છે. 

ઇશિતા દત્તાને મુંબઇ એરપોર્ટ પર સ્પોર્ટ કરવામાં આવી હતી. જ્યાં તેનો બેબી બંપ સ્પષ્ટ દેખાઇ રહ્યો હતો. એક્ટ્રેસનો આ વીડિયો જોઇ ફેન્સ શુભેચ્છા આપી રહ્યાં છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

વાયરલ વીડિયોમાં એક્ટ્રેસે બ્રાઉન કલરનો એક લોંગ ડ્રેસ પહેરેલો છે. ઇશિતાએ સરસ સ્માઇલ સાથે પૈપરાઝીને પોઝ આપ્યો. આ દરમિયાન તેના ચહેરા પર પ્રેગ્નેન્સી ગ્લો જોવા મળ્યો છે. 

માનવામાં આવી રહ્યુ છે કે ઇશિતા પોતાના મા બનવાની ખબર સામે લાવવા ઇચ્છતી ના હતી. ઉલ્લેખનીય છે કે, કરવાચૌથ પર એક્ટ્રેસને સાડીમાં જોઇ ફેન્સે અભિનેત્રી પ્રેગ્નેન્ટ હોવાની વાત કરી હતી. 

વર્ષ 2023 ઇશિતા અને પતિ વત્સલ માટે શુભ છે, તેઓએ નવુ ઘર લીધુ અને તેની તસ્વીરો પણ શેર કરી હતી. ઇશિતા લગ્નના 6 વર્ષ બાદ મા બનવા જઇ રહી છે. 28 નવેમ્બર 2017ના રોજ ઇસ્કોન મંદિરમાં ઇશિતા અને વત્સલ શેઠે લગ્ન કર્યા હતા.