ભારતમાં છેલ્લા બે અઠવાડિયામાં ઈન્ફલ્યુએન્ઝા અને કોવિડ-19ના કેસોમાં વધારો જોવા મળી રહ્યો છે. એવામાં હવે વિશ્વ બેંકના પ્રમુખ પદ માટે નોમિનેટ અજય બંગાનો કોરોના રિપોર્ટ પોઝિટિવ આવ્યો છે.
અજય બંગા બે દિવસના ભારતના પ્રવાસે
નિયમિત પરીક્ષણ દરમિયાન કોરોના રિપોર્ટ પોઝિટિવ
અમેરિકી નાણા વિભાગે આ માહિતી આપી
વર્લ્ડ બેંકના અધ્યક્ષ પદના ઉમેદવાર અજય બંગા આજે એટલે કે શુક્રવારે ભારત પહોંચ્યા છે. પરંતુ નવી દિલ્હીમાં નિયમિત પરીક્ષણ દરમિયાન અંજય બંગાનો કોરોના રિપોર્ટ પોઝિટિવ આવ્યો છે. હાલમાં તેઓ આઈસોલેશનમાં છે. મહત્વનું છે કે તેમના વિશ્વ પ્રવાસના છેલ્લા તબક્કામાં બે દિવસના પ્રવાસે ભારત પહોંચ્યા છે. યુએસ ટ્રેઝરી ડિપાર્ટમેન્ટ દ્વારા આ માહિતી આપવામાં આવી છે.
— VTV Gujarati News and Beyond (@VtvGujarati) March 24, 2023
અમેરિકી નાણા વિભાગે આ માહિતી આપી
યુએસ ટ્રેઝરી ડિપાર્ટમેન્ટે જણાવ્યું કે, અજય બંગા નિયમિત પરીક્ષણ દરમિયાન કોવિડ-19 પોઝિટિવ મળી આવ્યા છે, પરંતુ તેઓ એસિમ્પટમેટિક છે એટલે કે તેઓમાં હજી સુધી કોરોનાના લક્ષણો દેખાતા નથી. સ્થાનિક માર્ગદર્શિકાને અનુસરીને તેઓને આઇસોલેશનમાં રાખવામાં આવ્યા છે.
યુએસ ટ્રેઝરી ડિપાર્ટમેન્ટે આપી હતી જાણકારી
આ પહેલા યુએસ ટ્રેઝરી ડિપાર્ટમેન્ટે જણાવ્યું હતું કે, ભારતના પ્રવાસ દરમિયાન અજય બંગા વડાપ્રધાન નરેન્દ્ર મોદી, નાણામંત્રી નિર્મલા સીતારમણ અને વિદેશ મંત્રી એસ જયશંકર સાથે મુલાકાત કરશે. બંગાના નોમિનેશનની જાહેરાત થયા પછી તરત જ, ભારતે તેમની ઉમેદવારીને સમર્થન આપ્યું હતું.
U.S. Nominee for World Bank President Ajay Banga visits India for Final Stop on Global Tour; Will meet PM Modi, Indian Finance minister. Full statement by the US treasury department: pic.twitter.com/cHn729ed7k
શિમલાની સ્કૂલમાં અભ્યાસ કરી ચૂક્યા છે બંગા
અજય બંગા શિમલાની પ્રખ્યાત સેન્ટ એડવર્ડ સ્કૂલમાં અભ્યાસ કરી ચૂક્ય છે. તેમના પિતા આર્મીમાં હતા. ત્રણ વર્ષ માટે તેમની બદલી શિમલા કરવામાં આવી હતી. આ સમય દરમિયાન અજય બંગાએ આ શાળામાંથી શિક્ષણ મેળવ્યું હતું. તેઓ અગાઉ માસ્ટરકાર્ડના સીઈઓ પણ રહી ચૂક્યા છે. 70ના દાયકામાં શિમલાની સેન્ટ એડવર્ડ સ્કૂલમાં અભ્યાસ કર્યો હતો. દેશના પૂર્વ ઉપરાષ્ટ્રપતિ હામિદ અંસારી અને પૂર્વ CDS વિપિન સિંહ રાવતે પણ શિમલાની સેન્ટ એડવર્ડ સ્કૂલમાંથી અભ્યાસ કર્યો છે.