ખાનગી શાળાના સંચાલકોએ શાળા પરિસરમાં જ ડીઝલ પંપ બનાવી દીધો, હજારો બાળકો જ્યાં ભણે છે ત્યાં જ જ્વલનશીલ પદાર્થનો સંગ્રહ કરવામાં આવતા બાળકોના જીવ પર મોટું જોખમ ઊભું થયુ
બોટાદની આર.એ.કળશીયા સ્કૂલના સંચાલકો બેફામ
શાળાના પરિસરમાં જ ડીઝલ પંપ બનાવાયો
બાળકોની સુરક્ષાનું કોઇ મૂલ્ય નહી ?
બોટાદની એક ખાનગી સ્કૂલમાં બાળકોના જીવ પર મોટું જોખમ હોય તેવી ચોંકાવનારી ઘટના સામે આવી છે. વિગતો મુજબ એક ખાનગી શાળાના સંચાલકોએ શાળા પરિસરમાં જ ડીઝલ પંપ બનાવી દીધો છે. હજારો બાળકો જ્યાં ભણે છે ત્યાં જ જ્વલનશીલ પદાર્થનો સંગ્રહ કરવામાં આવતા બાળકોના જીવ પર મોટું જોખમ ઊભું થયુ છે.
બોટાદની આર.એ.કળશીયા સ્કૂલના સંચાલકોએ બાળકના જીવ પર ઉભુ કર્યું હોવાનું સામે આવ્યું છે. સ્કૂલના સંચાલકોએ શાળાના પરિસરમાં જ સંચાલકોએ ડીઝલ પંપ બનાવ્યો છે. નિયમો વિરૂધ્ધ સ્કૂલના સંચાલકોએ ડીઝલપંપ ઊભો કરી દેતા બાળકોના વાલીઓમાં ભારે રોષ જોવા મળી રહ્યો છે.
નિયમો વિરૂધ્ધ શાળા પરિસરમાં જ ડીઝલપંપ બનાવ્યો
બોટાદની આર.એ.કળશીયા સ્કૂલના સંચાલકોએ નિયમો વિરુધ્ધ ડીઝલપંપ ઊભો કરી દેતા હડકંપ મચી ગયો છે. આ સાથે સંચાલકોએ શાળામાં હજારો બાળકો ભણતાં હોવા છતાં ત્યાં જ જ્વલનશીલ પદાર્થનો સંગ્રહ કર્યો છે. જેમાં સ્કૂલની બસો અને જનરેટર ચલાવવા મોટા પ્રમાણમાં ડીઝલનું સ્ટોરેજ કરાય છે
મામલદાતર સહિતની ટીમો પહોંચી સ્કૂલે
આર.એ.કળશીયા સ્કૂલમાં ડીઝલપંપ બનાવ્યાની જાણ થતાં મામલદાતર સહિતની ટીમો સ્કૂલે પહોંચી હતી. જ્યાં ટીમે સ્થળ પર પહોંચી આ મામલે વધુ તપાસ હાથ ધરી છે. આ તરફ નિયમ વિરુદ્વ જતા સંચાલકો સામે કાર્યવાહી કરવા માંગ કરવામાં આવી છે.