લોલે લોલ / કોરોના સંક્રમણ અને ગાઈડ લાઈનની તો ઐસી કી તૈસી, મહા નગરોમાં જ્યાં જુઓ ત્યાં બસ, ટોળે....ટોળા

• મહાનગરોમાં ચો-તરફ ભારે ભીડ 
• કોરોના ગાઈડ લાઈનનું ઉલ્લંઘન 
• સંક્રમણ વધતા ફેલાયો  છે ભય 

મહાનગરોમાં કોરોનો પ્રકોપ જોવા મળી રહ્યો છે. રાજ્યના મહાનગરોથી VTV પર રિયાલિટી ચેક કર્યુ હતું. જેમાં અમદાવાદ, રાજકોટમાં હાલ સ્થિતિ ચિંતાજનક જોવા મળી રહી છે. આ સમયે વધી રહેલી ભીડ મુશ્કેલી લાવી શકે છે. લોકો જાહેરસ્થળોએ લોકો કોરોનાના નિયમોનું પાલન ભૂલી રહ્યાં છે.

તેમજ મોટાભાગના સ્થળોમાં માસ્ક અને સામાજિક અંતરનો અભાવ જોવા મળી રહ્યો છે. તો અમદાવાદમાં જોઇએ તો SG હાઈવે અને લો ગાર્ડન પર બજારમાં લોકોની ભારે ભીડ જોવા મળી છે. તેમજ અમદાવાદની બજારોમાં ખરીદી સમયે માસ્ક, સામાજિક અંતરનો સંપૂર્ણ અભાવ જોવા મળ્યો હતો. અમદાવાદમાં 61 કેસ નોંધાયા હતાં. તો આ તરફ રાજકોટમાં કોરોનાનો વધતો ખતરો જોવા મળી રહ્યો છે. આ સમયે પણ લોકો બજારમાં ખરીદી માટે નીકળ્યાં રહ્યાં છે. રાજકોટના ધર્મેન્દ્ર રોડ પર ખરીદી માટે લોકોની ભીડ જામી હતી. VTV કોવિડ પ્રોટોકોલના પાલનની અપીલ કરી રહ્યું છે. વધતા ઓમિક્રોન વચ્ચે આ પ્રકારની ભીડ મુસીબત વધારી શકે છે.