લીક દસ્તાવેજ / પનામા પેપર્સ લીક : ED સમક્ષ હાજર થઈ ઐશ્વર્યા, અમિતાભ બચ્ચનને લઈને આવ્યું મોટું અપડેટ

• પનામા પેપર્સ લીક કેસનો મામલો
• ઐશ્વર્યા રાય બચ્ચન ED સમક્ષ હાજર થઈ
• પનામા પેપર્સ લીક કેસમાં પૂછપરછ શરુ 
• 2016 ના પેપર લીક કેસમાં ઐશ્વર્યા રાય બચ્ચનનું નામ સામેલ હતું 

પનામા પેપર્સ લીકની તપાસ કરી રહેલી ઈડીએ પનામા પેપર્સ લીક ઐશ્વર્યાનું સ્ટેટમેન્ટ નોંધ્યું હતું. સૂત્રોના જણાવ્યાનુસાર પનામા પેપર લીક કેસમાં નામ હોવાથી ઈડીએ ઐશ્વર્યાની પૂછપરછ શરુ કરી છે. આ પહેલા ઈડીએ ઐશ્વર્યાને બે વાર પૂછપરછ માટે બોલાવી હતી. પરંતુ બન્ને વાર તેણે નોટીસ સ્થગિત કરવાની અપીલ કરી હતી. 

અમિતાભ બચ્ચનની ટૂંક સમયમાં ઈડી પૂછપરછ કરશે-સૂત્રો

સૂત્રોના જણાવ્યાનુસાર પનામા પેપર્સ લીક કેસમાં બોલીવુડ મેગાસ્ટાર અમિતાભ બચ્ચનનું પણ નામ હોવાથી ઈડી ટૂંક સમયમાં તેમને નોટીસ પાઠવીને પૂછપરછ માટે બોલાવશે. 

Delhi | Aishwarya Rai Bachchan appears before the Enforcement Directorate in the Panama Papers case

(file photo) pic.twitter.com/LjpXyN0Ivp

— ANI (@ANI) December 20, 2021

શું છે પનામા પેપર્સ લીક કેસ
પનામા પેપર લીક કેસમાં એક કંપનીના લીગલ દસ્તાવેજ લીક થયા હતા. આ ડેટા જર્મન ન્યૂઝપેપરે પનામા પેપર્સ નામથી 3 એપ્રિલ 2016 ના રોજ રિલિઝ કર્યા હતા તેમાં ભારત સહિત 200 દેશના રાજનેતાઓ, બિઝનેસમેન તથા સેલેબ્સના નામ હતા આ તમામ પર મની લોન્ડરિંગના આરોપ હતા તેમાં 1977 થી માંડીને 2015ના અંત સુધીની જાણકારી આપવામાં આવી હતી. 

એક મહિના પહેલા અભિષેક બચ્ચન પણ તપાસમાં સામેલ થઈ ચૂક્યો છે
ઘણા લાંબા સમયથી પનામા પેપર્સ કેસની તપાસ ચાલી રહી છે. ઈડીના અધિકારી દેશની મોટી હસ્તીઓને તપાસમાં સામેલ કરી ચૂકી છે. આ ક્રમમાં એક મહિના પહેલા અભિષેક બચ્ચન પણ ઈડીના કાર્યાલયમાં પહોંચ્યાં હતા. તેણે કેટલાક દસ્તાવેજો પણ ઈડીને સોંપ્યાં, ઈડીના સૂત્રોના જણાવ્યાનુસાર એશ્વર્યના સસરા અમિતાભ બચ્ચનને પણ ઈડી નોટીસ મોકલીને પૂછપરછ માટે બોલાવશે.