બોલીવુડના ટોચના અભિનેતા અભિષેક બચ્ચનને ઘણા સમયથી બોલીવૂડમાં સારા રોલ ઓફર થતા નથી. છેલ્લે તેણે 2016માં ફિલ્મ 'હાઉસફુલ 3માં કામ કર્યું હતું. મળતી માહિતી મુજબ ફિલ્મ હાઉસફુલ 4માં પણ તેને લેવામાં આવવાનો નથી. હાલ તે અનુરાગ કશ્યપની 'મનમર્જિંયા ફિલ્મનું શૂટિંગ કરી રહ્યો છે. આ એક મલ્ટીસ્ટારર ફિલ્મ છે. જેમાં વિકી કૌશલ અને તાપસી પન્નુ પણ છે.
હવે આ જ ફિલ્મના ફિલ્મસર્જકે અભિષેકને પ્રિયંકા ચોપરા સાથેની એક ફિલ્મ ઓફર કરી છે. જે દિલ્હી બેસ્ડ મોટિવેશનલ સ્પીકર આયેશા ચૌધરી પર આધારિત છે. પરંતુ સૂત્રો દ્વારા મળતી માહિતી મુજબ ઐશ્વર્યા નથી ઇચ્છતી કે તેનો પતિ અભિષેક પ્રિયંકા સાથે કોઇ ફિલ્મ સાઇન કરે.
ઐશ્વરીયાએ અભિષેકને આ ફિલ્મ સાઇન કરવાની ના પાડી છે. વાસ્તવમાં આ ફિલ્મમાં જુનિયર બચ્ચનને પિતાનો રોલ ઓફર કરવામાં આવ્યો છે. ઐશ્વર્યાનું માનવું છે કે 'મનમર્જિંયાનો અભિષેકનો જે રોલ છે તેમાં પ્રતિભા દર્શાવવાની એક તક મળી છે. જ્યારે પ્રિયંકા સાથેની ફિલ્મમાં અભિષેકનું પાત્ર ઝાંખુ પડવાની શક્યતા ઘણી છે.
ઐશ્વર્યાએ અભિષેકને સારા પ્રોજેક્ટની રાહ જોવાની સલાહ આપી છે. હવે જુનિયર બચ્ચન મૂંઝવણમાં મુકાઇ ગયો છે. તે પોતતાની કારકિર્દી અંગેની સઘળી વાત પત્ની ઐશ્વર્યા સાથે શેયર કરે છે. ઉલ્લેખનીય છે કે ભૂતકાળમાં અભિષેક અને પ્રિયંકાએ ફિલ્મ 'દોસ્તાના દ્રોણા અને બ્લફમાસ્ટર જેવી ફિલ્મોમાં કામ કર્યું છે.