ઓફર / એરટેલ યુઝર્સને હવે આ 2 પ્લાનમાં મળશે વધુ ડેટા અને કોલિંગ સહિત ધાંસૂ સુવિધાઓ, જાણીને આજે જ કરાવશો રિચાર્જ

• એરટેલના ગ્રાહકો માટે સારાં સમાચાર
• કંપની તેના 2 પ્લાનમાં આપશે વધુ ડેટા
• ગ્રાહકોના ફાયદા માટે કર્યો ફેરફાર

એરટેલ યુઝર્સની સુવિધાઓને ધ્યાનમાં રાખીને નવા નવા પ્લાન્સ અને ઓફર લાવતી રહે છે. ત્યારે હવે એરટેલે તેના હાલના પ્લાનને અપડેટ કર્યો છે, જેથી યુઝર્સને વધુ ફાયદા મળી શકે. 

એરટેલના 249 રૂપિયાના પ્લાનમાં હવે વધુ ડેટા

કંપની તેના આ પોસ્ટપેડ પ્લાનને 50 રૂપિયા મોંઘો કરવાની છે. આવનારા દિવસોમાં આ પ્લાનનું મંથલી રેન્ટલ 299 રૂપિયા થઈ જશે. સારી વાત એ છે કે આ પ્લાનની કિંમત વધવાની સાથે તેમાં મળનારા બેનિફિટ્સ પણ વધવાના છે. અત્યારે કંપની 249 રૂપિયાના આ પોસ્ટપેડ પ્લાનમાં દર મહિને 10 જીબી ડેટા આપી રહી છે. પરંતુ કિંમત વધ્યા બાદ આ પ્લાનમાં દર મહિને 30 જીબી ડેટા મળશે. 

999 રૂપિયાના પોસ્ટપેડ પ્લાનમાં મળશે વધુ ફાયદો

એરટેલના 999 રૂપિયાના પ્લાનને પણ રિવાઈઝ કરવામાં આવશે. અત્યારે આ પ્લાનમાં કંપની દર મહિને 150 જીબી ડેટા ઓફર કરી રહી છે. જે ડેટા રોલઓવર બેનિફિટની સાથે આવે છે. આ સિવાય આ પ્લાનમાં યુઝર્સને રોજ 100 એસએમએસ મળે છે અને દેશભરમાં કોઈપણ નેટવર્ક પર કોલ કરવા માટે અનલિમિટેડ કોલિંગની સુવિધા પણ મળે છે. સાથે જ આ પ્લાનમાં તમને એમેઝોન પ્રાઈમ વીડિયો, ડિઝની હોટસ્ટાર વીઆઈપી અને એરટેલ એક્સટ્રીમ પ્રીમિયમનું ફ્રી સબસ્ક્રિપ્શન પણ મળે છે. 

આ કંપનીનો ફેમિલી પ્લાન છે અને તેના યુઝરને 4 ફેમિલી એડ ઓન મળે છે. જોકે, રિવાઈઝ થયા બાદ આ પ્લાનમાં મળતાં ડેટા બેનિફિટમાં તો વધારે થશે પરંતુ ફેમિલી એડ ઓન કનેક્શનને કંપની ઘટાડીને 4મમાંથી 3 કરી દેશે. રિપોર્ટમાં એવું નથી જણાવ્યું કે કંપની આ પ્લાનને રિવાઈઝ કર્યા બાદ કેટલો એક્સ્ટ્રા ડેટા ઓફર કરશે.