ઓફર / ગ્રાહકોને આકર્ષવા એરટેલ લઈને આવ્યું જોરદાર ઓફર, હવે ચિપ્સ ખરીદો અને 2 GB ડેટા ફ્રી મેળવો

• ભારતી એરટેલ ગ્રાહકોને આકર્ષવા માટે નવી ઓફર લઈને આવ્યું
• એરટેલ ગ્રાહકોને ફ્રી ડેટા ઓફર કરી રહ્યું છે

10 રૂપિયાના પેકેટ સાથે 1GB ડેટા ફ્રી

જો તમે 10 રૂપિયાની ચિપ્સ ખરીદો છો, તો તમને 1GB ફ્રી ઇન્ટરનેટ ડેટા મળશે. એ જ રીતે જો તમે 20 રૂપિયાથી ઉપરની કોઈપણ ચિપ્સ ખરીદો છો, તો તમને 2 જીબી ફ્રી ઇન્ટરનેટ ડેટા મળશે. જોકે, મફત ઇન્ટરનેટ ડેટા મેળવવા માટે તમારે પહેલાં એરટેલના ગ્રાહક બનવું પડશે.

કંપનીની વેબસાઇટ પર આપવામાં આવેલી માહિતી મુજબ, કોઈપણ મોબાઈલ નંબર ત્રણ વખત સુધી આ ઓફરનો લાભ લઈ શકે છે. આ ઓફર લેય્સ, અંકલ ચિપ્સ, કૂરકૂરે અને ડોરીટોઝ પર ઉપલબ્ધ છે. મફત ઇન્ટરનેટ ડેટા મેળવવા માટે યુઝર્સે ફ્રી રિચાર્જ કોડ શોધવો પડશે, જે પેકેટની પાછળ આપવામાં આવે છે. એકવાર કોડ જોઈ એરટેલ થેન્ક્સ એપ્લિકેશન ડાઉનલોડ કરો અને તેને ઓપન કરી પછી માય કૂપન સેક્શનમાં કોડ દાખલ કરો.

ડેટા કૂપનને એકવાર ક્લેમ કર્યા બાદ તે  31 જાન્યુઆરી 2021 સુધી ઉપલબ્ધ રહેશે અને આ સમયગાળા દરમિયાન કોઈપણ સમયે રિડિમ કર્યા પછી 3 દિવસ માટે મફત ડેટા માન્ય રહેશે. નોંધનીય છે કે, એક પ્રોમો કોડને ફક્ત એક જ વાર રિડીમ કરી શકાય છે અને એરટેલના પ્રીપેડ નંબર માટે વધુમાં વધુ ત્રણ પ્રોમો કોડનો ઉપયોગ કરી શકાય છે.