ટેલિકોમ / આ મહિને એરટેલ વિદેશી કંપની બની જશે

• ભારતી એરટેલ વિદેશી કંપની બની જશે
• મૂડીરોકાણથી ભારતી ટેલિકોમમાં વિદેશી કોન્ટ્રિબ્યૂશન વધીને ૫૦ ટકાથી વધુ થઇ જશે
• ભારતી ટેલિકોમે કંપનીમાં રૂ. ૪,૯૦૦ કરોડના મૂડીરોકાણ માટે અરજી કરી છે

ભારતી એરટેલ વિદેશી કંપની બની જશે

માહિતગાર સૂત્રોના જણાવ્યા અનુસાર આ મૂડીરોકાણથી ભારતી ટેલિકોમમાં વિદેશી કોન્ટ્રિબ્યૂશન વધીને ૫૦ ટકાથી વધુ થઇ જશે, જેના પગલે ભારતી ટેલિકોમ વિદેશી માલિકીની કંપની બની જશે. હાલ સુનીલ ભારતી મિત્તલ અને તેમના પરિવારની ભારતી ટેલિકોમમાં લગભગ ૫૨ ટકા ભાગીદારી છે. ભારતી ટેલિકોમની ભારતી એરટેલમાં લગભગ ૪૧ ટકા ભાગીદારી છે.

સૂત્રોએ જણાવ્યું હતું કે ભારતી ટેલિકોમે કંપનીમાં રૂ. ૪,૯૦૦ કરોડના મૂડીરોકાણ માટે અરજી કરી છે તેમાં સિંગટેલ અને અન્ય કેટલાક વિદેશી રોકાણકારો તરફથી થનારા રોકાણનો સમાવેશ થાય છે અને તે સાથે જ ભારતી ટેલિકોમ વિદેશી કંપની બની જશે, કારણ કે તેની વધુ ભાગીદારી વિદેશી રોકાણકારોના હાથમાં હશે. ભારતી એરટેલ કંપનીમાં એફડીઆઇને સો ટકા પર લઇ જવા અગાઉ પણ અરજી થઇ ચૂકી છે.