ટેલિકોમ / એરટેલ અને વોડાફોનને મોટો ઝટકો, 1 કરોડ યુઝર્સ ઘટ્યા અને આટલા યુઝર્સ સાથે જિયોએ મારી બાજી

• એરટેલ અને વોડાફોનને મોટો ઝટકો
• ઘટી રહ્યાં છે આ બંને કંપનીના યુઝર્સ
• જ્યારે જિયોના યુઝર્સમાં થઈ રહ્યો છે વધારો

માર્કેટ લીડર રિલાયન્સ જિયોએ આ દરમિયાન માર્કેટની ખરાબ હાલત હોવા છતાં 15.7 લાખ નવા યુઝર્સ મળ્યાં છે. જોકે, માર્ચ 2020માં જિયોને લગભગ 47 લાખ નવા યુઝર્સ મળ્યા હતા. જેની સરખામણીમાં આ આંકડો ઓછો છે. પરંતુ બાકી કંપનીઓ કરતાં જિયો સારું પર્ફોમ કરી રહી છે. બાકી કંપનીઓની જેમ જિયોના યુઝરબેસને નુકસાન પહોંચ્યું નથી. 

ઝડપથી વધી રહ્યાં છે ટેલિકોમ યુઝર્સ

ટ્રાઈએ નવા યુઝર્સથી જોડાયેલા આંકડા શેર કર્યાં છે. હકીકતમાં એપ્રિલ 2020માં લોકડાઉનને કારણે અનેક યુઝર્સના મોબાઈલ કનેક્શન બંધ કરવા પડ્યા હતા. આ યુઝર્સમાં પ્રવાસી મજૂરો અને બાકીના ઘણાં યુઝર્સ સામેલ હતા. ટેલિકોમ રેગ્યુલેટરે કહ્યું છે કે, એપ્રિલમાં નવા ભારતીય ટેલિકોમ યુઝર્સમાં 80થી વધુનો વધારો થયો છે અને એ પછી પણ નવા યુઝર્સ સતત વધતા જઈ રહ્યાં છે. 

મોંઘા થઈ શકે છે ટેરિફ પ્લાન

એરટેલ અને વોડાફોનના યુઝર્સ 32.2 કરોડથી ઘટીને 31.4 કરોડ રહી ગયા છે. જ્યારે જિયોનો એપ્રિલમાં યુઝરબેસ વધ્યો છે અને ગ્રોથ બાદ 38.9 કરોડ થયો છે. જોકે, માર્કેટની હાલની સ્થિતિને જોતા એવું માનવામાં આવે છે કે ટેરિફ ર્લાન મોંઘા થઈ શકે છે. નોંધનીય છે કે, ગયા વર્ષે ડિસેમ્બર મહિનામાં પણ બધી કંપનીઓના ટેરિફ પ્લાન મોંઘા થયા હતા.