એરટેલ અને વોડાફોન-આઇડિયાની નવી પ્રિપેઇડ યોજના 3 ડિસેમ્બરથી અમલી બની છે. બંને કંપનીઓએ તેમની પ્રીપેડ યોજના મોંઘી કરી દીધી છે. તેમજ કેટલીક નવી યોજનાઓ રજૂ કરવામાં આવી છે. આ સિવાય, અન્ય નેટવર્ક પર અનલિમિટેડ કોલિંગની જગ્યાએ FUP નક્કી કરી છે.
3 ડિસેમ્બરથી અમલી બન્યા એરટેલ અને વોડાફોન-આઇડિયાના નવા પ્લાન
નવા પ્લાનમાં બન્ને કંપનીએ ન આપી અનલિમિટેડની યોજના
સૌથી ખાસ વાત એ છે કે, પ્લાન રિવાઇઝ કરવાની સાથે જ બંન્ને કંપનીઓએ હવે રોજ 1 GB ડેટા આપતા પણ તમામ અનલિમિટેડ પ્લાન બંધ કરી દીધા છે. તેનો અર્થ એ છે કે, હવે આ બંન્ને કંપનીઓના ગ્રાહકો પાસે 1 GB ડેટા અનલિમિટેડ વાળા પ્લાનનો ઓપ્શન નહીં રહે.
એરટેલના નવા પ્લાનમાં અનલિમિટેડ વાળો કોઇ પ્લાન જ નહીં
નવા પેકનો અમલ થવાની સાથે એરટેલના પોર્ટફોલિયોમાં આવો કોઈ અનલિમિટેડ પ્લાન નથી, જેમાં દરરોજ 1 જીબી ડેટા મળશે. કંપનીનો સૌથી સસ્તો અનલિમિટેડ પ્લાન 148 રૂપિયા છે, જેમાં 28 દિવસની વેલિડિટી સાથે કુલ 2 જીબી ડેટા મળશે.
આ સિવાય એરટેલ 84 દિવસની વેલિડિટી વાળા 598 રૂપિયા અને 698 રૂપિયાના 2 અનલિમિટેડ પ્લાનની ઓફર કરી રહ્યું છે. આ પ્લાનમાં દરરોજ ક્રમશ: 1.5 GB ડેટા તથા 2 GB ડેટા મળશે, ત્યારબાદ કંપનીની પાસે 365 દિવસની વેલિડિટી વાળા 1498 અને 2398 રૂપિયાના 2 અનલિમિટેડ પ્લાન છે.
એરટેલની જેમ હવે વોડાફોનના પણ નવા પ્લાનમાં અનલિમિટેડ વાળો કોઇ પ્લાન નહીં
એરટેલની જેમ હવે વોડાફોનના પણ નવા પ્લાનમાં અનલિમિટેડ વાળા કોઇ પ્લાનની સુવિધા આપવામાં આવી નથી. જેમાં યુઝર્સને દરરોજ 1 જીબી ડેટા મળશે. 28 દિવસની વેલિડિટી સાથે 149 રૂપિયાના તેના સસ્તા અનલિમિટેડ પ્લાનને કુલ 2 જીબી ડેટા મળશે. આ સિવાય 28 દિવસની વેલિડિટી સાથે 249 રૂપિયાના અનલિમિટેડ પેકમાં દરરોજ 1.5 જીબી, 299 રૂપિયાના પ્લાનમાં દરરોજ 2 જીબી અને 399 રૂપિયાના પેકમાં દરરોજ 3 જીબી ડેટા મળશે.