એરટેલે લૉન્ચ કર્યા એવા પ્રિપેડ પ્લાન કે સાથે નેટફ્લિક્સનું સબસ્ક્રિપ્શન મેળવવાની જરુર નહી પડે
એરટેલ પર મેળવો ખાસ ઓફર
ફ્રી Netflix પ્લાનની કરી જાહેરાત
પ્રોફેશનલ પ્લાન અને ઈન્ફિનિટી પ્લાન સાથે ફ્રી
એરટેલે તાજેતરમાં નવા પ્રિપેડ પ્લાન લોન્ચ કર્યા છે, જે ઓછી કિંમતે વધુ લાભ આપે છે. એરટેલ પાસે આવા ઘણા પ્લાન છે, જેની સાથે નેટફ્લિક્સ સબસ્ક્રિપ્શન ફ્રીમાં આપવામાં આવે છે. આ વખતે એરટેલે બ્રોડબેન્ડ યુઝર્સ માટે સારા સમાચાર આપ્યા છે. એરટેલે કેટલાક પસંદગીના બ્રોડબેન્ડ પ્લાન સાથે ફ્રી નેટફ્લિક્સ પ્લાનની જાહેરાત કરી છે. નેટફ્લિક્સ એરટેલના પ્રોફેશનલ પ્લાન અને ઈન્ફિનિટી પ્લાન સાથે ફ્રીમાં આપવામાં આવી રહ્યું છે.
એરટેલ પ્રોફેશનલ પ્લાનની કિંમત
એરટેલના પ્રોફેશનલ પ્લાનની કિંમત દર મહિને રૂ. 1,498 છે. બીજી તરફ, એરટેલના ઇન્ફિનિટી પ્લાન વિશે વાત કરીએ તો, તે 3,999 રૂપિયા પ્રતિ મહિનાની કિંમતે આવે છે. પ્રોફેશનલ પ્લાન ધરાવનારાઓને Netflix બેઝિક પ્લાન રૂ. 199નો ફ્રી મળશે.
એરટેલ ઇન્ફિનિટી પ્લાનની કિંમત
જે લોકો એરટેલના ઇન્ફિનિટી પ્લાનને પસંદ કરે છે તેઓને નેટફ્લિક્સના પ્રીમિયમ પ્લાન (રૂ. 649)નું માસિક સબ્સ્ક્રિપ્શન મળશે. તમને જણાવી દઈએ કે Netflixના ભારતમાં ચાર પ્લાન (મોબાઈલ પ્લાન, બેઝિક પ્લાન, સ્ટાન્ડર્ડ અને પ્રીમિયમ પ્લાન) છે.
એરટેલ બ્રોડબેન્ડ પ્લાન્સ પર નેટફ્લિક્સ સક્રિય કરવા માટે આ 5 સ્ટેપ અનુસરો
સ્ટેપ 1: એરટેલ થેન્ક્સ એપ ઓપન કરીને Discover Thanks Benefit પેજ પર જાઓ
સ્ટેપ 2: નીચે સ્ક્રોલ કરો અને Enjoy your rewards સેક્શનમાં Netflix દેખાશે.
સ્ટેપ 3: ત્યાં ક્લિક કરો અને Claim પસંદ કરો.
સ્ટેપ 4: Netflix પ્રોડક્ટ પેજ પર Proceed ઓપ્શન પર ક્લિક કરો
સ્ટેપ 5: એક્ટિવ થયા બાદ યૂઝરને Netflix પર રિડાયરેક્ટ કરવામાં આવશે.