ઓફર / Airtelના યુઝર્સ માટે જબરદસ્ત ઓફર, ફ્રીમાં 6 જીબી ડેટા જોઈએ તો વાંચી લો આ સમાચાર

• એરટેલ યુઝર્સ માટે સ્પેશિયલ ઓફર
• 6 જીબી ફ્રી ડેટા મેળવી શકો છો
• આ ખાસ વાતોનું રાખો ધ્યાન

એરટેલે અત્યારે તેના યુઝર્સ માટે એક ખાસ ઓફરની જાહેરાત કરી છે. જેમાં તે પ્રીપેડ રિચાર્જ પ્લાન પર 6 જીબી સુધી ડેટા કૂપન ફ્રીમાં મેળવી શકે છે અને આ ડેટા દ્વારા તે મનોરંજન અને અન્ય કામ કરી શકે છે. એરટેલની ફ્રી ડેટા કૂપન મેળવવા માટે યુઝર્સે 219 રૂપિયાના પ્રારંભિક રિચાર્જની સાથે અન્ય રિચાર્જ પર પણ ફ્રી કૂપન મેળવી શકે છે. 

યુઝર્સને 6 જીબી સુધી ડેટા કૂપન્સ મેળવવાની તક મળશે અને આ માટે તેમને એ જાણવાની જરૂર છે કે તેમને એરટેલની આ ઓફરનો લાભ લેવા માટે શું કરવાની જરૂર છે અને કયા રિચાર્જ પર મફત કૂપન મળશે અને તેને કેવી રીતે રિડીમ કરવું પડશે. તો ચાલો તમને જણાવીએ કે એરટેલ 6 જીબી ડેટા કૂપન્સ કેવી રીતે ફ્રીમાં મેળવવું.

આ રિચાર્જ પર લાભ

એરટેલ યુઝરને જણાવી દઈએ કે જો તેઓ 28 દિવસની વેલિડિટીનો અનલિમિટેડ પ્લાન લે છે અને તેઓ 219, 249, 279, 289, 298, 349, 398 અને 448નું પ્રીપેડ રિચાર્જ કરાવે છે, તો તેમને એક એક જીબી ડેટા કૂપન ફ્રી મળશે. જ્યારે યુઝર 56 દિવસની વેલિડિટીનો પ્લાન 399, 449, 558 અને 599 રૂપિયાના પ્રીપેડ પ્લાનમાં રિચાર્જ કરાવે છે તો એક એક જીબીની 4 કૂપન ફ્રી મળશે એટલે કે કુલ 4 જીબી એક્સ્ટ્રા ડેટા મળી જશે. જો એરટેલ યુઝર્સ 84 દિવસની વેલિડિટીવાળા 598 અને 698 રૂપિયાના પ્રીપેડ પ્લાનમાં રિચાર્જ કરાવે છે તો તેમને 1-1 જીબીના 6 ડેટા કપૂન ફ્રી મળશે. 

કેવી રીતે લાભ લેવો

જ્યારે યુઝર્સ ઉપર જણાવેલા પ્લાનમાં રિચાર્જ કરાવે છે ત્યારે તેમના એકાઉન્ટમાં ડેટા કૂપન ક્રેડિટ થઈ જાય છે. જોકે, ગ્રાહકોને એક જરૂર વાત જાણી લેવી કે આ ઓફરનો લાભ એવા જ લોકોને મળશે જે એરટેલ થેન્ક્સ મોબાઈલ એપથી પ્રીપેડ રિચાર્જ કરાવશે. આ માટે એરટેલ યુઝર્સ એરટેલ થેન્ક્સ એપ ડાઉનલોડ કરી શકે છે. આ એપમાં માય કૂપન સેક્શનમાં જઈને યુઝર ડેટા કૂપનને રિડીમ કરી શકે છે. આમાં યુઝરને કૂપનની વેલિડિટી વિશે પણ જાણકારી મળી જાય છે.