લોકડાઉનમાં એરટેલ થેન્ક્સ એપના યુઝર્સને શાનદાર ભેટ મળી છે. ટેલિકોમ કંપનીએ જણાવ્યું કે, એરટેલ થેન્ક્સના ગ્રાહકો લગભગ 2 મહિના માટે ઝી5 પ્રોગ્રામ અને ફિલ્મો ફ્રીમાં જોઈ શકે છે. ભારતી એરટેલએ ઝી5 સાથે પાર્ટનરશિપ કરતાં એરટેલના ગ્રાહકોને આ સુવિધા આપવામાં આવી રહી છે.
એરટેલના ગ્રાહકો માટે સારાં સમાચાર
લોકડાઉનમાં કંપની આપી રહી છે આ ખાસ સેવા
કોઈપણ પૈસા ખર્ચ કર્યા વિના મેળવો લાભ
ઝી5 સાથે પાર્ટનરશિપ થયા બાદ એરટેલના થેન્ક્સ એપના યુઝર્સને ઝી5નું ફ્રી અઅનલિમિટેડ એક્સેસ મળશે. એટલે કે ઘેર બેઠા એરટેર થેન્ક્સના યુઝર્સ ઝી5નું પ્રીમિયમ કન્ટેન્ટ ફ્રીમાં માણી શકશે. એટલે કે યુઝર્સને ઝી5ના પ્રોગ્રામ અને ફિલ્મોને જોવા માટે કોઈ જ સબસ્ક્રિપ્શન ચાર્જ આપવો નહીં પડે.
તમને જણાવી દઈએ કે ઝી5નું સબસ્ક્રીપ્શન લેવા માટે ગ્રાહકોને 1 વર્ષના 999 રૂપિયા, 6 મહિના માટે 599 રૂપિયા અને 1 મહિના માટે 99 રૂપિયા ખર્ચ કરવા પડે છે, પરંતુ ગ્રાહકોને 4 મે 2020થી 12 જુલાઈ 2020 સુધી આ સુવિધાઓ ફ્રીમાં મળશે. જોકે, એરટેલના થેન્ક્સ એપના યુઝર્સને ઝી5નું એક્સેસ ફ્રીમાં મળશે અને આ ઓફર લિમિટેડ સમય માટે છે. પ્રીપેડ અને પોસ્ટપેડ બંનેના ગ્રાહકો આ એપ ડાઉનલોડ કરી શકે છે.
હાલ લોકડાઉનને કારણે ડેટાની માંગમાં 20 ટકાનો વધારો થયો છે. ઈન્ડસ્ટ્રીનું અનુમાન છે કે, ગેમિંગ કન્ટેન્ટ સહિત એન્ટરટેનમેન્ટ એપમાં લગભગ 200 ટકાનો ઉછાળો જોવા મળ્યો છે. ભારતી એરટેલના ચીફ માર્કેટિંગ ઓફિસર શાશ્વત શર્માએ કહ્યું- અમે ઝી5 સાથે પાર્ટનશિપને લઈને ખૂબ જ ખુશ છીએ. હવે અમારા ગ્રાહકોને તેના હાઈ ક્વોલિટી પ્રીમિયમ વીડિયો કન્ટેન્ટ મળી શકશે. આ ગ્રાહકોને થેન્ક્સ રિવાર્ડ તરીકે મળશે.
Airtel Xtreme પર 50 ટકાનો ઉછાળો
એરટેલ ડિજિટલ કન્ટેન્ટ પ્લેટફોર્મ એક્સટ્રીમ પર વીડિયો કન્ટેન્ટ સ્ટ્રીમિંગમાં લોકડાઉન દરમિયાન 50 ટકાનો વધારો થયો છે. કંપનીએ એક નિવેદનમાં આ વિશે જાણકારી આપી છે. લોકડાઉનને કારણે લોકો ઘરમાં કેદ છે. જેથી ટાઈમપાસ માટે લોકો ટેલિવિઝન અથવા તો સ્ટ્રીમિંગ સેવાનોનો સહારો લઈ રહ્યાં છે.