જ્યારથી રિલાયન્સ જિયો (Reliance Jio) એ ટેલિકોમ માર્કેટમાં એન્ટ્રી મારી છે, ત્યારથી તમામ ટેલકોમ કંપનીઓએ મોટી ટક્કર મળી રહી છે. પરિણામે તેઓનું ઘણું નુકશાન થયું છે. રિલાયન્સ જિયોને મજબુત રીતે માત્ર એરટેલ ટક્કર આપી રહી છે. મોટાભાગના લોકો એરટેલના સારા નેટવર્કને કારણે તેનો ઉપયોગ કરી રહ્યા છે.
રિલાયન્સ જિયોને એરટેલ મજબુત રીતે ટક્કર આપી રહી છે
એરટેલે પોતાના 4G નેટવર્કને મજબુત બનાવા નોકિયા સાથે ડીલ કરી
હવે એરટેલે પોતાના 4G નેટવર્કને મજબુત બનાવવા અને 5G નેટવર્કની ક્ષમતા વધારવા માટે નોકિયા (Nokia) ની સાથે ડીલ (Airtel Nokia Deal) કરી લીધી છે. એટલે કે હવે એરટેલનું નેટવર્ક પહેલા કરતા વધારે સારુ બની જશે, આમ તેના ગ્રાહકો માટે સારા સમાચાર છે.
એરટેલ અને નોકિયાની વચ્ચે આ ડીલ 100 કરોડ ડૉલર એટલે કે લગભગ 7,636 કરોડ રૂપિયામાં થયો છે. આવનારા સમયમાં 5G કનેક્ટિવિટી માટે નોકિયા 2022ના અંત સુધી લગભગ 3 લાખ રેડિયો યુનિટ્સ લગાવશે. નોકિયાએ એક નિવેદનમાં કહ્યું છે કે તે ભારતની ત્રીજી સૌથી મોટી ટેલિકોમ કંપની ભારતી એરટેલની સાથે થયેલી ડીલ હેઠળ ઉપકરણ અને સેવાઓ આપશે. નોંધનીય છે કે એરટેલના નેટવર્કમાં નોકિયા સૌથી મોટુ 4G વેન્ડર છે.
આ ડીલ પર નોકિયા-એરટેલનું નિવેદન
નોકિયાના સીઇઓ રાજીવ સૂરી કહે છે કે આ ડીલ દુનિયાના સૌથી મોટા ટેલિકોમ માર્કેટના ભવિષ્ય માટે એક મહત્વપૂર્ણ સમજૂતી છે. આ ભારતમાં નોકિયાની સ્થિતિને મજબૂત બનાવશે. તથા સાથે મળીને વધારે સારી 5G કનેક્ટિવિટી માટે કામ કરીશું.
જ્યારે એરટેલના એમડી અને સીઇઓ ગોપાલ વિટ્ટલે કહ્યું છે કે એરટેલ અને નોકિયા ગત લગભગ એક દાયકાથી કામ કરી રહ્યા છે અને નોકિયાના એસઆઇએએન પ્રોડક્ટ્સને ઉપયોગ કરીને ખુશ છે. જેનાથી અમારી નેટવર્કની ક્ષમતાને વધારવામાં મદદ મળશે.