ટેલિકોમ / Airtelના કરોડો ગ્રાહકો માટે મોટી ખબર, 11 સર્કલમાં બંધ થઈ આ સર્વિસ

• 3G નેટવર્ક બંધ કરી વધુ ખર્ચ કરતા ગ્રાહકો પર ધ્યાન કેન્દ્રિત કરશે કંપની 
• ભારતી એરટેલ કંપનીના મુખ્ય કાર્યકારી અધિકારી ગોપાલ વિટ્ટલે બુધાવરે કહ્યું કે 11 સર્કલમાં 3જી સેવા બંધ થઇ ગઈ છે
• હાલમાં ખાલી જીઓ કંપની જ સંપૂર્ણ રીતે 4G-VoLTE નેટવર્કને ઓપરેટ કરે છે

ટેલીકોમ કંપની ભારતી એરટેલ કંપનીએ બુધવારે 11 સર્કલમાં 3G Networksની સુવિધા બંધ કરી દીધી છે. કંપનીના ઉચ્ચ અધિકારીએ આ વિશે માહિતી આપી છે. એરટેલ તેના ગ્રાહકોને હાઈસ્પીડ નેટવર્ક આપવા માટે આ પ્રકારના રીફોર્મ કરી રહી છે. ટેલીકોમ કંપનીઓમાં હાલમાં ખુબ સ્પર્ધા જોવા મળી રહી છે ત્યારે બધી કંપનીમાં હાઈસ્પીડ નેટવર્ક આપવાની પણ હોડ લાગી છે. જે બાદ હવે એરટેલ કંપની નિર્ણય લઇ રહી છે કે 3જી નેટવર્ક બંધ કરી વધારે ખર્ચ કરતા ગ્રાહકોને વધુ સુવિધાઓ આપવામાં આવે. 

ગયા વર્ષે જુલાઈ મહિનામાં જ 3G નેટવર્ક બંધ કરવાની પ્રક્રિયા શરુ કરાવી દીધી હતી. કંપનીએ કોલકાતા બાદ હરિયાણા અને પંજાબ સર્કલમાં 3જી નેટવર્કની સુવિધા રદ્દ કરી કરી દીધી છે. નોંધનીય છે કે ફીચર ફોનનો ઉપયોગ કરતા ગ્રાહકો માટે 2જી સર્વિસ ચાલુ રાખવામાં આવી છે. આ મહિનાની શરુઆતમાં દિલ્હી એનસીઆરમાં 3જી નેટવર્કની સુવિધા બંધ કરવામાં આવી હતી. ભારતી એરટેલ કંપનીના મુખ્ય કાર્યકારી અધિકારી ગોપાલ વિટ્ટલે બુધાવરે કહ્યું કે 11 સર્કલમાં 3જી સેવા બંધ થઇ ગઈ છે. કંપનીની 2100MHz સ્પેક્ટ્રમ માર્ચ સુધી 4G નેટવર્ક સુધી રીફોર્મ થઇ જશે.  

મોબાઈલ ફોન માટે વોઈસ ઓવર લોંગ ટર્મ ઈવોલ્યુશન એટલે કે (VoLTE) એક હાઈ સ્પીડ વાયરલેસ કોમ્યુનીકેશન સીસ્ટમ છે. ભારતમાં અત્યારે જીયો કંપની જ સંપૂર્ણ રીતે 4G-VoLTE નેટવર્કને ઓપરેટ કરે છે.