Jioએ ટેલિકૉમ ઇન્ડસ્ટ્રીમાં 2 વર્ષ પૂરા થતાં યૂઝર્સને ફ્રી ડેટા અને કેશબેક અપવાની જાહેરાત કરી છે. હવે Jioને ટક્કર આપવા માટે Airtelએ પ્રીપેઇડ યૂઝર્સ માટે નવું પેક લોન્ચ કર્યુ છે. Airtelના નવા રિચાર્જની કિંમત 419 રૂપિયા છે. આ પેકમાં યૂઝર્સને 1.4GB દરરોજ ડેટા મળશે. Airtelએ આ પહેલા યૂઝર્સને 399 અને 448 રૂપિયાનું રિચાર્જ પેક પણ ઑફર કર્યુ છે. આ બંને પેકની વેલિડિટી 70 દિવસ અને 82 દિવસ છે.
419 રૂપિયાનું Airtelનું રિચાર્જ પેક કંપનીની ઑફિશ્યલ વેબસાઇટ અને એપ પર ઉપલબ્ધ છે. આ પેકની વેલિડિટી 75 દિવસની છે. કસ્ટમર્સની આ પેકમાં અનલિમિટેડ લોકલ STD કોલ મળશે. આ રિચાર્જ પેકમાં નેશનલ રોમિંગ અને દરરોજના 100SMS ફ્રી છે. Airtel ટીવી એપનું એક્સેસ પણ આ એપમાં મળે છે.
Reliance Jioની વાત કરીએ તો 349 રૂપિયાના રિચાર્જમાં દરરોજ 1.5GB ડેટા મળે છે. 70 દિવસની વેલિડિટીવાળા આ પેકમાં અનલિમિટેડ વૉઇસ કૉલિંગ અને 100 SMS દરરોજ મળે છે. આ સિવાય Jio એપ્સને ફ્રીમાં જોઇ શકાશે. અત્યારે મળી રહેલી Jio ઑફર્સ અંતર્ગત 300 રૂપિયા અને તેનાથી વધારેના રિચાર્જ પર 50 રૂપિયાનું કેશબેક મળે છે. એટલે કે આ પેકની કિંમત ઘટી 249 રૂપિયા થઇ જાય છે.