JIOને ટક્કર આપવા માટે આ કંપનીએ લોન્ચ કર્યા 49 અને 193 રૂપિયાના પ્લાન

ટેલિકૉમ કંપનીઓ સતત એકબીજાને ટક્કર આપવા માટે નવા-નવા પ્લાન લોન્ચ કરી રહ્યા છે. પહેલા તો માત્ર વૉઇસ અને ડેટા પેકની જ ટક્કર હતી પરંતુ હવે કંપનીઓમાં એડ-ઑન પેક માટે પણ ટક્કર જોવા મળી રહી છે. દેશની દિગ્ગજ ટેલિકૉમ કંપની Airtel 49 રૂપિયા અને 193 રૂપિયાના 2 નવા એડ ઑન પેક લોન્ચ કર્યા છે.

જોકે હાલમાં આ પ્લાન દિલ્હી કર્ણાટક આંધ્ર પ્રદેશ અને તેલંગાના જેવા સર્કલમાં જ ઉપલબ્ધ છે ધીરે-ધીરે અન્ય તમામ સર્કલમાં આ પ્લાન લોન્ચ કરવામાં આવશે. જેમાં યૂઝર્સને પ્રતિ દિવસ મળતો ડેટા પૂરો થઇ જાય તો તેઓ આ એડ ઑન પેકનો ઉપયોગ ટૉપ અપની જેમ કરી શકશે. રિલાયન્સ જિયો પહેલી એવી કંપની છે જેણે આ પ્રકારના એડઑન પેક લોન્ચ કર્યા હતા. 

49 રૂપિયાના એડ ઑન પેકમાં યૂઝર્સને 1GB ડેટા મળશે. આ ડેટા યૂઝરના વર્તમાન પ્લાનની વેલિડિટી સુધી ઉપયોગ કરી શકાશે. જેમકે જો યૂઝર્સ 28 દિવસની વેલિડિટીવાળા 249 રૂપિયાનો પ્લાન કરાવે છે. જેમાં તેને 2GB પ્રતિ દિવસ મળે છે. હવે આ પ્લાન પર 49 રૂપિયાનું એડઑન પેક કરાવે છે. તો યૂઝર્સને 1GB ડેટા વધારે મળે છે. દિવસ દરમિયાન મળતા 2GB ડેટા પૂર્ણ થશે પછી વધારાના 1GB ડેટાનો ઉપયોગ થશે. આ 1GB ડેટાને વેલિડિટી રહે ત્યાં સુધીમાં ઉપયોગ કરી શકાય છે.

આ પ્લાનમાં યૂઝર્સને પ્રતિદિન 1 GB ડેટા મળશે. જેમકે યૂઝર્સને 28 દિવસની વેલિડિટી વાળો 349 રૂપિયાનો પ્લાન ધરાવે છે જેમાં તેને 2.5 GB ડેટા પ્રતિદિવસ મળે છે. આ પ્લાન પર 193 રૂપિયાનું એડઓન પેક કરાવે છે તો યૂઝર્સને દરરોજ 1 GB ડેટા મળશે. એટલે કે યૂઝર્સને પ્રતિ દિવસ 3.5 GB ડેટાનો ઉપયોગ કરી શકશે.