ભારતની ટેલિકોમ ઈન્ડસ્ટ્રીમાં ચાલી રહેલાં પ્રાઈસ વૉરને કારણે ગ્રાહકો બહુ જ નિરાશ થયા છે. જે ડેટા માટે પહેલાં ગ્રાહકોએ સાવ ઓછી કિંમત ચૂકવવી પડતી હતી, તેની કિંમત અચાનકથી વધી ગઈ છે. ગ્રાહકોને હવે અગાઉ મળતી સુવિધાઓ માટે પહેલાં કરતાં લગભગ 1.5 ગણી વધારે કિંમત ચૂકવવી પડી રહી છે. આ જ કારણથી લોકો પોસાય તેવા પ્લાન શોધી રહ્યાં છે. કેટલાક લોકોએ મોબાઈલ નંબર પોર્ટ કર્યો તો કેટલાકે પ્લાન ચેન્જ કરી નાખ્યો. જોકે, પોસ્ટપેડ યુઝર્સ માટે ટેરિફમાં કોઈ બદલાવ થયો નથી. આ જ કારણથી ઘણાં લોકો પ્રીપેડથી પોસ્ટપેડમાં શિફ્ટ થવા લાગ્યા છે.
એરટેલ પોસ્ટપેડના ફાયદા
ગ્રાહકોને ફ્રીમાં મળે છે નેટફ્લિક્સ, એમેઝોન પ્રાઈમ
અનલિમિટેડ ડેટાની સુવિધા મળે છે
Airtelની વેબસાઈટ પર રહેલાં આંકડા મુજબ, 18 ડિસેમ્બર બુધવાર સુધી, છેલ્લા 7 દિવસમાં લગભગ 20 હજાર પોસ્ટપેડ કનેક્શન ઓનલાઈન ખરીદવામાં આવ્યા છે. જેથી અહીં અમે તમને એરટેલ પોસ્ટપેડ પ્લાનમાં મળી રહેલાં એવા ફાયદા વિશે જણાવીશું, જે પ્રીપેડ યુઝર્સને મળતા નથી.
ડેઈલી ડેટા લિમિટ
પ્રીપેડ અને પોસ્ટપેડ બંને પ્લાનમાં અનલિમિટેડ કોલિંગ મળી જાય છે, પરંતુ પોસ્ટપેડ પ્લાનનો સૌથી મોટો ફાયદો એ છે કે, તેમાં કોઈ જ પ્રકારની ડેઈલી ડેટા લિમિટ નથી. એરટેલના મોટાભાગના પ્રીપેડ પ્લાનમાં 1 જીબી, 1.5 જીબી અથવા 2 જીબી ડેટા રોજ મળે છે. જેથી ઘણીવાર આ ડેટા કોઈ ફિલ્મ અથવા વીડિયો જોવામાં ખતમ થઈ જાય છે અને પછી બીજા દિવસની રાહ જોવી પડે છે. જ્યારે પોસ્ટપેડ પ્લાનમાં આવું નથી થતું. એરટેલના સૌથી સસ્તાં 499 રૂપિયાવાળા પોસ્ટપેડ પ્લાનમાં 75 જીબી ડેટા મળે છે. જે એક દિવસ પ્રમાણે 2.5 જીબી છે.
એરટેલ પોસ્ટપેડ પ્લાનના અન્ય ફાયદા
એરટેલ પોસ્ટપેડ પ્લાનમાં એન્ટરટેનમેન્ટથી જોડાયેલ અન્ય ફાયદા પણ મળે છે. તેમાં ગ્રાહકોને નેટફ્લિક્સ, એમેઝોન પ્રાઈમ અને ZEE5નું સબ્સ્ક્રિપ્શન પણ મળે છે. 499 રૂપિયાના પ્લાન અને અન્ય પોસ્ટપેડ પ્લાનમાં નેટફ્લિક્સનું 3 મહિના માટેનું અને એમેઝોન પ્રાઈમ અને ZEE5નું એક વર્ષનું સબ્સ્ક્રિપ્શન મળી જાય છે. ગ્રાહકોને હેન્ડસેટ પ્રોટેક્શન પણ મળી રહે છે. અલગથી મળતી આ સુવિધાઓની કિંમત લગભગ 3000 રૂપિયા સુધી છે. જ્યારે એરટેલના પ્રીપેડ યુઝર્સને નેટફ્લિક્સ અને એમેઝોન પ્રાઈમ જેવી સુવિધાઓ મળતી નથી.