કોવિડ-19 લોકડાઉનને કારણે વર્ક ફ્રોમ હોમ કરી રહેલાં એરટેલ યુઝર્સ માટે સારાં સમાચાર છે. કંપનીએ પોસ્ટપેડ યુઝર્સ માટે ખાસ ડેટા એડ-ઓન પેક રજૂ કર્યો છે. આ પેકમાં ડેટા ખતમ થવાની ટેન્શન નહીં રહે. માત્ર 100 રૂપિયાના આ પોસ્ટપેડ એડ-ઓન પેકમાં 15 જીબી ડેટા ઓફર કરવામાં આવે છે. આ સિવાય પણ કંપની અન્ય એક એડ-ઓન પેક ઓફર કરી રહી છે. જેમાં 35 જીબી સુધી ડેટા ઓફર કરવામાં આવી રહ્યો છે.
એરટેલના ગ્રાહકો માટે સારાં સમાચાર
કંપની ગ્રાહકોને આપી રહી છે વધુ ડેટા
વર્ક ફ્રોમ હોમ કરનારા લોકો માટે છે ફાયદાકારક
એરટેલ તેના પોસ્ટપેડ યુઝર્સને 2 ડેટા એડ-ઓન પેક ઓફર કરી રહ્યું છે. 100 રૂપિયાવાળામાં 15 જીબી ડેટા. આ જાન્યુઆરીમાં લોન્ચ થયો હતો, પરંતુ લોકડાઉનમાં તેને વર્ક ફ્રોમ હોમ સાથે ટેગ કરીને પ્રમોટ કરવામાં આવી રહ્યું છે. જ્યારે અન્ય 200 રૂપિયાવાળા ડેટા પેકમાં 35 જીબી ડેટા મળશે. તમે એરટેલ થેંક્સ એપમાં આપેલાં મેનેજ સર્વિસિઝ સેક્શનમાં જઈને ડેટા પેક્સને સબ્સક્રાઈબ કરી શકશો.
349 રૂપિયાથી શરૂ છે પોસ્ટપેડ પ્લાન
અલગ-અલગ રાજ્યોમાં એકટેલ પોસ્ટપેડ પ્લાનની શરૂઆતી કિંમતમાં થોડો ફેરફાર છે. જેમ કે, અરુણાચલ પ્રદેશ, દિલ્હી / એનસીઆર અને તમિળનાડુમાં એરટેલની સૌથી સસ્તી પોસ્ટપેડ યોજના 349 રૂપિયા સાથે આવે છે. જ્યારે અન્ય રાજ્યોમાં તે 399 રૂપિયા છે. 349 રૂપિયાના પ્લાનમાં 5 જીબી રોલઓવર ડેટાની સાથે અનલિમિટેડ કોલિંગ અને રોજ 100 એસએમએસ મળે છે. આ પ્લાનની બીજી ખાસ વાત એ છે કે તેમાં ઝી5 અને એરટેલ પ્રીમિયમ એપ્લિકેશનનું મફત સબ્સ્ક્રિપ્શન પણ મળે છે.
પ્રીમિયમ પોસ્ટપેડ પ્લાન્સમાં અનલિમિટેડ ડેટા
એરટેલના પ્રીમિયમ પોસ્ટપેડ પ્લાનમમાં 499 રૂપિયા, 749 રૂપિયા, 999 રૂપિયા અને 1599 રૂપિયાના મંથલી પ્લાન છે. તેમાં 75 જીબી ડેટાથી લઈને અનલિમિટેડ ડેટા ઓફર કરવામાં આવી રહ્યો છે. તમામ પ્લાન્સ અનલિમિટેડ કોલિંગ અને 100 ફ્રી એસએમએસ સાથે આવે છે.